Osasun arloko langileak babesteko ahalegin guztia egin duela esan du Osasun Sailak

Merkatuan babes materiala eskuratzeko "zailtasunak" daudela ziurtatu du ohar batean, eta hornidura faltak Europako herrialde guztiei eragin diela nabarmendu du.

Koroabirusa atzemateko testa duten sanitarioak. EITBko bideo batetik ateratako argazkia

Agentziak | Erredakzioa

publikatuta: 2020/04/16 06:45 (UTC+2)

azken eguneratzea: 2020/04/16 07:32 (UTC+2)

Osasun arloko langileak babesteko asmoz, "hasieratik" norbera babesteko materiala erosteko eta banatzeko "ahalegin guztiak" egin dituztela esan dute Osasun Sailak eta Osakidetzak.

Zehazki, asteazken honetan Euskal Autonomia Erkidegoko Auzitegi Nagusiak (EAEAN) emandako epaia izan dute hizpide ohar batean. Izan ere, Osakidetzari apirilaren 3an egindako errekerimenduari eustea erabaki du, koronabirusaren pandemiaren aurkako borrokan ari diren langileei "premiaz eta berehala" maskarak, txabusina iragazgaitzak, eskularruak eta babes-betaurrekoak emateko.

Ildo horretatik, nazioarteko merkatuan babes materiala eskuratzeko "zailtasunak" daudela gogorarazi dute, eta hornidura faltak Europako herrialde guztiei eragin diela, "epaileak salaketa tramiterako onartzean esan zuen moduan, material jakin batzuen ekoizpen-eskasia dagoela aitortuta".

Osasun Sailak eta Osakidetzak idatzi horretan adierazi dutenez, osasun langileen segurtasuna "beti izan da, da eta izango da lehentasuna".

Kontuan izan osasun agintariek koronabirusaren aurrean eman dituzten aholkuak. Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Gaitzaren sintomarik baduzu, EAEn bizi bazara, ohiko zure osasun-zentrora deitu. Era berean, zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, Osasun Batzordearen telefonora dei dezakezu: 948 290 290. Gogoratu, COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak gomendagarriak dira sintomak badituzu edo adineko pertsonekin edo immunodeprimituekin harremanetan bazaude, edo eta garraio publikoa erabiltzen baduzu. Dena dela, horien erabilera ez da derrigorrezkoa.

Hau zure interesekoa bada, baliteke beste gai hauek ere izatea

Bizkaia Gipuzkoa Araba Eusko Jaurlaritza ELA LAB Lana Gaixotasunak Salaketak Gizartea Eguneko albisteak Albisteak Osasun albisteak Medikuak Sindikatuak Erizaintza Sendagaiak Lan gatazkak Koronabirusa

Osasun arloko langileak babesteko ahalegin guztia egin duela esan du Osasun Sailak

Esteka kopiatuta