Gizartea -
ATXILOKETA
Gazte bat atxilotu dute Gasteizen, Udaltzaingoaren autoei arrautzak botatzeagatik
Gazteak hainbat arrautza jaurti zizkien larunbatean, 14:00ak aldera, Raimundo Olabide kalean zeuden patruila-ibilgailu batzuei.
Agentziak | Erredakzioa
19 urteko gizonezko bat atxilotu dute Gasteizen, agintaritzako agenteei desobeditzea eta larriki jarkitzea egotzita. Agenteek identifikatu egin zuten, patruila-auto batzuei etxebizitza bateko leihotik hainbat arrautza botatzeagatik, Gasteizko Udalak ohar baten bidez jakinarazi duenez.
Larunbatean, 14:00ak aldera, gazteak hainbat arrautza bota zizkien leiho batetik Raimundo Olabide kalean zeuden patruila-ibilgailu batzuei.
Agenteek eskatu arren, uko egin zion bere burua identifikatzeari, eta, horren aurrean, atxilotu egin zuten. Polizia-etxera eraman, eta eginbideak betetakoan, aske utzi zuten, baina epailearen aurrera jo beharko du deitzen dutenean.