Haurrak bero gutxiago egiten duen orduetan atera ahal izatea aztertzen ari dira

Adingabeen osasuna babestera bideratutako neurria da, eta Ministerioak tenperatura altuena egiten duen autonomia erkidegoekin hartuko du erabakia.

Haurren irteerak konfinamendu aldian. Argazkia: EiTB.

Agentziak | Erredakzioa

publikatuta: 2020/05/07 13:23 (UTC+2)

azken eguneratzea: 2020/05/07 14:43 (UTC+2)

Osasun Ministerioa eta autonomia erkidegoak haurrak paseatzera atera daitezkeen orduak berraztertzen ari dira, bero handia egiten ez duen orduetan atera ahal izateko, Salvador Illa Osasun ministroak Diputatuen Kongresuan egindako agerraldian adierazi duenez.

Halaber, adingabeen osasuna babestera bideratutako neurria dela gaineratu du, eta Ministerioak bero handia duten autonomia erkidegoekin batera hartuko duela erabakia azpimarratu du.

"Leku batzuetan bero handia egiten hasi da, eta gomendagarria da haurrek tenperatura hain altuak ez diren beste ordu batzuetan atera ahal izatea", azaldu du Illak. Hala ere, ez du zehaztu zein autonomia erkidego diren "bero handia" dutenak.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, zure osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela; ahoa estaltzeko maskarak gomendagarriak dira sintomak badituzu edo adineko pertsonekin edo immunodeprimituekin harremanetan bazaude, eta derrigorrezkoak garraio publikoa erabiltzen baduzu.

Hau zure interesekoa bada, baliteke beste gai hauek ere izatea

Espainia Gaixotasunak Gizartea Eguneko albisteak Albisteak Osasun albisteak Umeak Koronabirusa Deseskalatzea

Haurrak bero gutxiago egiten duen orduetan atera ahal izatea aztertzen ari dira

Esteka kopiatuta