Ceutako hondartzak itxi dituzte azken egunotako koronabirus kasuen gorakadagatik

Ceutako hondartza guztiak itxi ditu erkidegoko horretako Gobernuak, azken 48 orduetan izandako koronabirus kasuen gorakadagatik: 16 positibo gehiago, eta 271 pertsona isolamenduan daude euren etxeetan.

Ceutako Gobernuko iturriek jakitera eman dutenez, Parkeetako eta Lorategietako brigadek hondartzak itxi dituzte, eta Guardia Zibila eta Udaltzaingoa horiek kontrolatzeaz arduratuko dira.

Ceutako Gobernuak uste du hondartzetan bainua galarazteak kutsatzeak murriztu ditzakeela, ondorioz, paseatzea bakarrik baimenduko da Ceutako hondartzetan.

Bien bitartean, Espainiako Gobernuak Ceutan duen Ordezkaritzak jakinarazi duenez, Guardia Zibilak eta Udaltzaingoak 107 salaketa jarri dituzte ostiral honetan alarma egoeragatik ezarritako arauak ez betetzeagatik, zehazki, derrigorrezkoa den egoeretan maskara ez erabiltzeagatik eta segurtasun distantziak ez gordetzeagatik.