PCR probak Getxoko jatetxe bateko eta Gasteizko bi jatetxeetako bezeroei

Urdulizeko Ospitalean (Bikaineko bezeroei) eta Arabako Unibertsitate Ospitalean (Sagartokiko bezeroei) hasi dira probak egiten dagoeneko.

Zerbitzari bat terraza bateko mahaia garbitzen. Argazkia: EFE

AGENTZIAK | ERREDAKZIOA

publikatuta: 2020/08/13 17:22 (UTC+2)

azken eguneratzea: 2020/08/25 10:57 (UTC+2)

Eusko Jaurlaritzako Osasun Sailak eta Osakidetzak herritarren laguntza eskatu dute abuztuaren 2tik 10era Algortako (Getxo, Bizkaia) Bikain jatetxean, abuztuaren 8tik 10era Gasteizko Sagartoki jatetxean eta abuztuaren 4tik 9ra Arabako hiriburuko Oh Malbecen egon ziren pertsonei PCR probak egiteko, horrela, koronabirusarekin kutsatu diren edo ez jakiteko.

Osasun Sailak bi establezimenduetako bezeroei esan die euren osasun-zentrora edo Osasun Batzordera deitzeko PCR probak egiteko hitzordua eskatzeko.

Gaur arratsaldeko 15:00etan hasi dira probak egiten Urdulizeko Ospitalean eta Arabako Unibertsitate Osapitalean.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn uztailaren 16tik, eta Nafarroan, uztailaren 17tik. Iparraldean, "espazio publiko itxietan" derrigorrezkoa da uztailaren 20tik.

Hau zure interesekoa bada, baliteke beste gai hauek ere izatea

Getxo Bizkaia Araba Euskal Autonomia Erkidegoa Gizartea Eguneko albisteak Gasteiz Albisteak Osasun albisteak Koronabirusa

PCR probak Getxoko jatetxe bateko eta Gasteizko bi jatetxeetako bezeroei

Esteka kopiatuta