Sei positibo berri atzeman dituzte Nafarroako egoitzetan

Erabiltzaileez gain, egoitza horietako bateko langile batek ere positibo eman du.

Osasun langile bat adinekoen egoitza bateko erabiltzaile bat artatzen. Argazkia: EFE

AGENTZIAK | ERREDAKZIOA

publikatuta: 2020/09/21 13:00 (UTC+2)

azken eguneratzea: 2022/10/18 11:51 (UTC+2)

Asteburuan Nafarroako egoitzetako sei erabiltzailek positibo eman dute COVID-19an, Nafarroako Gobernuak astelehen honetan jakinarazi duenez. Gainera, egoitza horietako bateko langile bat ere kutsatu da.

Ostiralean atzemandako agerraldiei lotuta Maria Carmen Maeztu Gizarte Eskubideetarako sailburuak azaldu duenez, beste bi positibo zenbatu dituzte desgaitasuna duten pertsonentzako San Jose zentroan (bost, guztira) eta beste bi Olaibarko Mentalia adinekoen egoitzan (zazpi, guztira).

Bestalde, agerraldi baten berri eman dute Funesen. Kasu horretan, bi egoiliar eta langile bat dira kutsatutakoak.

Gaitza duten egoiliarrak Argaraiko eta San Adriango egoitzetara eraman dituzte.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn uztailaren 16tik, eta Nafarroan, uztailaren 17tik. Iparraldean, "espazio publiko itxietan" derrigorrezkoa da uztailaren 20tik.

Hau zure interesekoa bada, baliteke beste gai hauek ere izatea

Nafarroa gaur Gaixotasunak albisteak Gizartea Albisteak Gaur Eguneko albisteak Osasun albisteak Adinekoentzako egoitzak gaur Koronabirusari lotutako azken orduko albisteak Osasunbidea Euskadiko adinekoak

Sei positibo berri atzeman dituzte Nafarroako egoitzetan

Esteka kopiatuta