EAEn kasu positiboen beherakada moteldu egin dela ohartarazi dute

Eusko Jaurlaritzaren Osasun Sailak ohartarazi du kasu positiboen beherako joera "moteldu" egin dela azken egunetan, eta Gabonetan segurtasun-neurriak zorrotz betetzeko eskatu du.

Ignacio Garitano Osakidetzako eta Osasu Sailaren Zaintza eta Kontrol Programaren koordinatzaileak pandemiaren bilakaerari buruzko datuak eman ditu arratsalde honetan egin duen agerraldian.

Garitanok azpimarratu duenez, covid-19aren kutsatze kopuruak azken astean izan duen beherako joera nabarmena "moteldu" egin da.  

Testuinguru horretan, Gabonetan pandemiari aurre egiteko ezarriko diren neurriak betetzeko eskatu du, "herritarren jokabidea zenbat eta normalagoa izan, osasun egoera hobea izango dugu".

Hortaz, Gabonetako jaiegunak "egun normaltzat" jotzeko eta, beraz, prebentzio-neurriak zorrotz betetzen segitzeko deia egin du. “Pandemia batean gaude eta datuak txarrak dira", berretsi du.  

Jende pilaketak eta segurtasun-neurriak erlaxatzea saihestu behar direla adierazi du. "Argi dago jaterakoan eta edaterakoan erlaxatzeko joera dagoela eta hori ekidin behar dugula esan beharriz ez dago", erantsi du.