Gizartea -

TRAFIKOA

Bi pertsona zauritu dira hiru ibilgailuren arteko istripuan, AP-68an, Orozkon

Ezbeharra Gasteizko noranzkoan gertatu da, autobus batek eta bi autok talka eginda. Ilarak sortu dira. Bestalde, auto batek matxura izan du A-8an, Bilbon, eta horren ondorioz ere pilaketak sortu dira.

EITB.EUS

Whatsapp Facebook Twitter Telegram Email

AP-68an, Orozko (Bizkaia) parean, gertatutako istripu batek eta A-8an, Bilbon, auto batek izandako matxurak arazoak sortu dituzte gaur Bizkaian.

AP-68 autobidean, Orozko parean, bi pertsona zauritu dira gaur goizean, autobus batek eta bi ibilgailuk talka eginda, Eusko Jaurlaritzako Segurtasun Sailak jakinarazi duenez.

Ezbeharra 07:00ak aldera gertatu da Orozkon, Gasteizera bidean. Hasiera batean errepidea guztiz itxi badute ere, 07:40 aldera errei bat zabaldu dute. Auto-ilara luzeak sortu dira. Zirkulazioa 09:00etan etorri da bere onera. 

Bestalde, ibilgailu batek matxura izan du A-8an, 120. kilometroan (Bilbo parean) eta Kantabriarako noranzkoan. Hasiera batean, bi errei itxi dituzte eta pilaketak sortu dira. Dena dela, 08:40rako ohikoa zen ibilgailuen joan-etorria.

Hau zure interesekoa bada, baliteke beste gai hauek ere izatea
Trafiko Istripuak errepideetan Trafikoa Zer gertatu da gaur Bizkaian? Euskal Autonomia Erkidegoa albisteak Gizartea albisteak Trafikoko web-kamerak Donostian Gaurko titularrak Albisteak AP-68 autobidea Errepideko istripuetan zauritutakoak Orozko gaur