Itxi

Gizartea

Koronabirusa

Pfizer konpainiaren txertoaren 25.000 dosi jasoko ditu Nafarroak

AGENTZIAK | ERREDAKZIOA

2021eko lehen bi hilabeteetan 12.500 pertsonari jarriko diete txertoa; lehendabizi arreta soziosanitarioko langileei eta erresidentzietako egoiliarrei.

  • Txerto bat.

    Txerto bat. Artxiboko argazkia: EFE

Nafarroak Pfizer enpresa-farmazeutikoaren txertoaren 25.000 dosi jasoko ditu eta, beraz, 12.500 laguni jarriko diete txertoa, pertsona bakoitzeko bi dosi eman behar baitira.  

Santos Indurain Osasun kontseilariak Parlamentuan jakinarazi duenez, txertaketa-kanpaina urtarrilaren lehen hamabostaldian abiatzea aurreikusi dute eta horretarako beharrezkoak diren azpiegiturak eta baliabideak prest dauzkatela ziurtatu du.

2021eko lehen bi hilabeteetan, erresidentzietako egoiliarrei (7.647) eta arreta soziosanitarioko langileei jarriko diete covid-19ari aurre egiteko txertoa.

Hortik aurrera, txertaketa-kanpaina mailakatuta egingo dute, herritar guztiengana iritsi arte, baina oraingoz ez dute xehetasunik gehiagorik eman.

Indurainek azaldu duenez, txertoa Nafarroako 134 osasun zentroetan banatuko dute, eta ospitale publiko eta pribatuak bere langileak txertatzeaz arduratuko dira.

Halaber, txertoaren kanpainaz arduratuko den 14 talde berezi osatuko dituzte eta Iruñeko Refena erakustazokan osasun eta arreta soziosanitarioko langileentzako leku berezi bat jartzea aurreikusi dute.  

  • Bisitatuena

      Kargatzen ikusiena
      Kargatzen ikusiena