"Konfinamendua" urteko hitz izendatu du Fundeuk

Konfinamendua urteko hitz izendatu du Gaztelania Urgentearen Fundazioak (FundéuRAEk). 12 hautagairen artean irabazlea izan da, mundu osoan era transbertsalean ezartzeagatik.

Aurten ia planeta osoa konfinatuta egon da, denbora gehiagoz edo gutxiagoz, koronabirusaren ondorioz.

Horregatik, RAEk (Espainiako Errege Akademiak) azaroan egindako bere hiztegiaren azken eguneratzean “konfinamendu” hitzaren sarreran aldaketak sartu ditu koronabirusagatik milioika pertsonak bizi izan duten egoerara moldatzeko.

Hortaz, "konfinamendua" honela definitu dute: "Populazio, pertsona edo talde bat aldi baterako bakartzea, ezarritakoa izan ohi dena,  osasun edo segurtasunagatik".

Halaber, "konfinamendua" da "lockdown" anglizismorako aukerarik egokiena.

Izangaiak

Irabazlea 12 hautagairen artean aukeratu dute, besteak beste, 2020. urtea markatu duten hainbat ageri dira.

Bitxienen artean, "infodemia",   gehiegizko informazioa esan nahi duena, batzuetan egiazkoa, eta beste askotan ez.  Beste hitz horietako bat "TikTok" da. Dantzatzea eta karaokea egitea helburu duen mugikorretarako aplikazio ezaguna da. Konfinamendu garaian fenomeno bilakatu da mundu osoan.

Gainerako izangaiak hauek izan dira: "Koronabirusa", "erresilientzia", "Covid-19a", "telelana", "konspiranoia", "estatuafobia", "pandemia", "osasun-langilea" eta "txertoa".