Gizartea -

Koronabirusa

1.424 salaketa jarri dira Urtezaharrean eta asteburuan EAEn

Lurraldeka, 237 salaketa jarri zituzten Araban, 723 Bizkaian eta 464 Gipuzkoan.

Ertzainak Bilbon. Irudia: EFE
Ertzainak Bilbon
Ertzainak Bilbon. Irudia: EFE

AGENTZIAK | EITB MEDIA

Whatsapp Facebook Twitter Telegram Email

Ertzaintzak eta Udaltzaingoak 1.424 salaketa jarri zituzten Urtezahar gauean eta joan den asteburuan, ostiralean barne, covid-19aren prebentziorako osasun araudia urratzeagatik, Segurtasun Sailak jakitera eman duenez.

Iturri horren arabera, kontroletan egindako salaketa guztietatik, 667 zirkulazio askatasunaren mugak eta gehienezko pertsonen kopurua ez errespetatzeagatik izan ziren.

Zehazki, 442 gaueko ordutegian zirkulazio arauak ez errespetatzeagatik izan ziren; maskara ez erabiltzeagatik edo modu desegokian erabiltzeagatik egindako arau-hausteak, berriz, 303 izan ziren, eta bide publikoan alkohola kontsumitzeagatik 156 salaketa jarri ziren.

Ostalaritzako eta jatetxeetako edukieren araudia ez betetzeagatiko isunak 142 izan ziren. Balantzearen gainerakoa kopuru txikiagoetan banatzen da beste kontzeptu batzuengatik izan ziren, hala nola espazio publikoan erretzea pertsonen arteko bi metroko distantzia errespetatu gabe eta ostalaritzako eta jatetxeetako establezimenduetan ordutegia ez betetzea.

Lurraldeka, 237 salaketa jarri zituzten Araban, 723 Bizkaian eta 464 Gipuzkoan.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, espazio publiko itxietan, garraio publikoan eta udalerri eta hiri nagusietan da derrigorrezkoa.

Hau zure interesekoa bada, baliteke beste gai hauek ere izatea
Ertzaintza Bizkaia Gipuzkoa Araba Euskal Autonomia Erkidegoa Delituak Gizartea Eguneko albisteak Albisteak Isunak