Publizitatea
Itxi

2021/01/07

21:12

Gizartea

Bizkaia

Gaztelugatxerako sarbidea itxi dute lur-jausi baten ondorioz

I. G. | EITB Media

Bidera erori den lurrak 20 metro inguru ditu, eta luiziaren goiko aldean 50 metroko pitzadura sakona antzeman dute teknikariek.

0:52
Lur-jausia. Irudia: Bizkaiko Aldundia
  • Whatsapp
  • Whatsapp
  • Telegram
  • Bidali

Bizkaiko Foru Aldundiak Gaztelugatxeko sarbidea itxi du, errepidea blokeatu duen lur-jausi handi baten ondorioz.

Foru Aldundiak ohar batean azaldu duenez, bidera erori den lurrak 20 metro inguru ditu, eta lur-jausiaren goiko aldean, teknikariek 50 metro inguruko pitzadura sakon bat ikusi dute, lur-jausi gehiago egoteko arriskuarekin.

Ingurumen Zuzendaritzako teknikariak bertan dira, eta lur-jausi horren lehen kalkulua egiten ari dira. Horrek bidea erabat blokeatu du Urizarreta eta Ermuko sarbideen bidegurutzearen eta Gaztelugatxeko haitzaren gainean dagoen ermitara igotzeko eskaileren aurreko plataformaren arteko tartean, Bermeoko udalerrian.

Teknikariek egiaztatu dutenez, lurrak sartzeko bidea blokeatu du eta mendi-hegalean behera joan da itsasora iritsi arte.

Aldundiaren arabera, sarbideak "denbora mugarik gabe" itxiko dituzte, teknikariek lursailek pertsonen joan-etorria ahalbidetzeko beharrezko bermeak dituztela uste duten arte.

  • Bisitatuena

      Kargatzen ikusiena
      Kargatzen ikusiena