Gizartea -

Koronabirusa

Neurriak ez betetzea "arduragabea" dela esan du Erkorekak: "Bizitza dugu jokoan"

Segurtasun sailburuak asteburuko "gizalegearen kontrako ekintzak" kritikatu ditu, eta ohartarazi du "osasun araudia zorrozki betetzen" dela zaintzen jarraituko duela Ertzaintzak.

Josu Erkoreka. EITB Mediaren bideo bateko irudia
Josu Erkoreka.
Josu Erkoreka. EITB Mediaren bideo bateko irudia

EITB Media | Agencias

Whatsapp Facebook Twitter Telegram Email

Josu Erkoreka Eusko Jaurlaritzako Segurtasun sailburuak asteburu honetan osasun murrizketak bete ez dituztenen "gizalegearen kontrako ekintzak" kritikatu ditu, eta ohartarazi du: "Neurriak ez betetzea arduragabea da; bizitza dugu jokoan".

Ertzaintzak 18 pertsona atxilotu ditu larunbatean eta igande goizaldean, botiloietan, legez kontrako festetan eta istiluetan, eta 735 zigor proposamen jarri ditu covid-19aren kontrako neurriak ez betetzeagatik.

Asteburu honetako bi gauetan 1.000 pertsonatik gora identifikatu dituela deitoratu du sailburuak sare sozialetan.

"Eusko Jaurlaritzak osasun adituekin batera koronabirusa ez hedatzeko diseinatu dituen arauak ez betetzea arduragabea da. Arduraz eta errespetuz jokatzen ari den gizartearen gehiengoari egiten dio kalte", idatzi du Erkorekak.

"Bizitza dugu jokoan, batez ere arrisku taldekoena. Gizarte heldu batek ezin ditu mota honetako gizalegearen kontrako ekintzak onartu. Ertzaintzak osasun araudia zorrozki betetzen dela zaintzen jarraituko du, guztiok babesteko", esan du.

Hau zure interesekoa bada, baliteke beste gai hauek ere izatea
Osakidetza Ertzaintza Eusko Jaurlaritza Euskal Autonomia Erkidegoa Gaixotasunak Gizartea Eguneko albisteak Albisteak Zientzia Osasun albisteak Medikuak Basurtuko ospitalea Gurutzetako ospitalea Erizaintza Sendagaiak Txertoak Donostia Ospitalea Txagorritxu Ospitalea Koronabirusa Galdakao-Usansolo Ospitalea Anbulatorioak