Publizitatea
Itxi

2021/01/20

17:33

Gizartea

Koronabirusa

Nafarroak adierazi du ez duela etxeratze agindua aurreratuko aukera izanda ere

agentziak | eitb media

Remirezek esan du eroso daudela "atzo berrikusi genuen egoeran", ostalaritza terrazetara mugatu ostean.

  • Javier Remirez Nafarroako Gobernuaren bozeramailea. Argazkia: Efe

    Javier Remirez Nafarroako Gobernuaren bozeramailea. Argazkia: Efe

  • Whatsapp
  • Whatsapp
  • Telegram
  • Bidali

Javier Remirez Nafarroako Gobernuaren bozeramaileak esan du ez dutela "arazorik" erkidegoei etxeratze agindua 20:00etan jartzeko aukera ematearekin, baina Nafarroak ez duela neurri hori hartuko eta etxeratze aginduak 23:00etatik 06:00etara izaten jarraituko duela berretsi du.

Remirezen arabera, Nafarroako Gobernua "eroso dago alarma egoeraren Errege Dekretuaren baitan hartutako neurriekin". "Hala ere, ez dugu arazorik etxeratze agindua zabaltzeko aukera izatearekin, betiere aukerazkoa bada, eta ez guk derrigor ezarri beharrekoa", adierazi du.

Foru Gobernuaren bozeramaileak esan du "erkidegoen artean errealitate desberdinak" daudela, "inzidentzia, positibotasun eta ospitaleratzeen" arloan, eta horregatik "ongi" dagoela erkidego bakoitzak bere errealitatera egokitzeko aukera izatea.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, espazio publiko itxietan, garraio publikoan eta udalerri eta hiri nagusietan da derrigorrezkoa.
  • Bisitatuena

      Kargatzen ikusiena
      Kargatzen ikusiena