Pasealeku Berria, Zurriolako kai muturra eta Haizearen Orrazia, itxita, olatuengatik

Donostiako Udalak Pasealeku Berria, Leizaola Pasealekua (Zurriolako kai muturra) eta Haizearen Orrazia itxi ditu astearte goizeko bederatziak arte, kostaldeko inpaktuagatik ezarrita dagoen alerta laranjaren ondorioz.

Babes Zibilak gaur zabaldutako informazioaren arabera, olatuengatik ezarritako abisuak bertan behera gelditzen direnean eta udal teknikariek kalterik izan ez dela egiaztatzen dutenean zabalduko dituzte berriro.