Publizitatea
Itxi

2021/02/13

13:07

Gizartea

KORONABIRUSA

Positibitatea % 5,5era igo da EAEn, hiru egunez jaisten aritu eta gero

EITB MEDIA

613 positibo berri atzeman dituzte, bezperan baino 30 gutxiago: 367 Bizkaian, 162 Gipuzkoan eta 71 Araban.

  • Osasun-langile bat Donostian, PCRak egiten.

    Osasun-langile bat Donostian, PCRak egiten. Argazkia: EFE.

  • Whatsapp
  • Whatsapp
  • Telegram
  • Bidali

Eusko Jaurlaritzako Osasun Sailak emandako datuen arabera, 11.236 proba diagnostiko egin zituzten atzo, ostirala, bezperan baino ia 4.000 gutxiago eta 613 pertsonak eman zuten positibo. % 5,5era igo da, beraz, covid-19aren positibitate tasa Euskal Autonomia Erkidegoan, hiru egunez jarraian behera egin ostean. Azken egunetan %5aren azpitik zebilen, bi hilabetean lehen aldiz.

Positibo kopurua aurreko egunekoa baino txikiagoa da (643 kasu izan ziren ostegunean), baina positibotasun tasa % 4,7koa zen ostegunean, eta % 5,5ekoa izan zen, berriz, ostiralean.

Positibitate tasan izandako igoera horrekin, azken egunetako joera hausten da, beraz. %5eko langa horrek erakusten du birusaren transmisioa komunitarioa den edo ez: zenbat eta baxuago hobe eta %5etik aurrera kontroletik kanpo dagoela esan nahi du.

Lurraldeka, Bizkaian 367 kasu atzeman ziren, Gipuzkoan 162 eta Araban 71. Gainera, 13 kasu diagnostikatu ziren EAEn bizi ez diren pertsonen artean.

Ospitaleetako datuei dagokienez, 80 pertsona ospitaleratu zituzten atzo, bezperan baino 17 gehiago eta 170 gaixo larri zeuden ZIUetan covid-19arekin, ostegunean baino hiru gutxiago.

Eusko Jaurlaritzak ez du datorren astelehenera arte udalerri bakoitzari buruzko informaziorik emango, ezta RO indizea eta 14 egunetan 100.000 biztanleko dagoen intzidentzia tasa berrituko ere. Ostegunean 536,48koa zen datua.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.
  • Bisitatuena

      Kargatzen ikusiena
      Kargatzen ikusiena