Publizitatea
Itxi

2021/02/18

14:55

Gizartea

Koronabirusa

Gora egin dute positiboek, 78raino, Nafarroan

E. G. | EITB MEDIA

Bezperan baino 18 kasu gehiago dira, baina duela astebete edo bi aste baino 19 eta 151 kasu gutxiago.

  • Bi emakume maskara ondo jartzen.

    Bi emakume maskara ondo jartzen. Argazkia: EFE

  • Whatsapp
  • Whatsapp
  • Telegram
  • Bidali

Covid-19aren eguneko kasuek gora egin dute Nafarroan asteazken honetan, 78 zenbatzeraino, Nafarroako Osasun Publikoaren eta Lan Osasunaren Institutuak emandako datuen arabera.

Zehazki, 1.886 proba diagnostiko egin dituzte, eta horietatik % 4,1 positibo izan dira. Positibotasun tasa, kasuen kopurua bezala, igo egin da azken orduetan (ia bi puntu gehiago).

Bezperan baino 18 gehiago dira. Dena dela, duela astebeteko edo bi asteko datuekin alderatuta, askoz gutxiago dira. Izan ere, otsailaren 11n 97 kutsatze izan ziren (19 kasu gutxiago, beraz), eta duela bi, 229 (151 gutxiago).

Birusak eragindako infekzioen intzidentzia-tasa metatua 50.598 kasukoa da Nafarroan, eta, guztira, 1.087 heriotza zenbatu dituzte Foru Erkidegoan.

Atzo, 132 gaixo zeuden ospitaleratuta Foru Erkidegoko ospitale-sareko zentroetan. Horrela, koronabirusarekin lotutako bederatzi ospitaleratze berri izan ziren, horietako hiru zainketa intentsiboetako unitateetan. Atzo ez zen hildakorik izan eta aurreko egunetan ere ez zen hildakorik izan.

Iruñean eta bere eskualdean kasu positiboen % 59 erregistratu zituzten, Lizarran % 5 eta Tuteran % 12. Gainerako positiboak (% 24) Nafarroako beste zonalde batzuetan banatzen dira.

Pandemiak gogorren kolpatutako udalerri edo guneei dagokienez, Mutiloan zenbatu dituzte kasu gehien: zazpi, hain justu. Zerrenda horretan bigarren postuan, Txantrea auzoa (Iruñea) ageri da, bost positiborekin, eta Zizur Nagusia eta Iruñeko Azpilagaña auzoa, launa kasurekin. Altsasun, Tutera Ekialdean, Burlatan, Caparroson eta Iruñeko II. Zabalgunean, hiruna kutsatze atzeman dituzte.

Erregistratutako kasu berrien adin-tarteen araberako banaketari dagokionez, talde nagusia 45 eta 59 urte artekoa da (% 26), eta ondoren, 15 eta 29 urte artekoa (% 24). Ondoren, 15 urtetik beherakoen taldea dago (% 21), eta ondoren, 30 eta 44 urte bitarteko eta 60 eta 75 urte bitarteko segmentuak (% 13). Azkenik, 75 urtetik gorakoen taldea dago, kutsatzeen % 3rekin.

Positibo berrien batez besteko adina 35,6 urtekoa da. Generoari dagokionez, kasuen % 54 emakumeak dira eta % 46 gizonak.

Bestalde, Osasun Ministerioak jakinarazi duenez, Estatuan 14.515 positibo gehiago antzeman dituzte, horietako 4.323 azken 24 orduetan. Asteazkenean, berriz, 4.691 kasu izan ziren.

Pandemia hasi zenetik 3.121.687 pertsona kutsatu dira koronabirusarekin Espainian.

Gauzak horrela, kutsatzeen kopurua astiro-astiro beheraka egiten ari dela azpimarratu dute. Azken 14 egunetako 100.000 biztanleko intzidentzia-tasa metatua 320 kasukoa da gaur, eta asteazkenean 349koa izan zen.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.
  • Bisitatuena

      Kargatzen ikusiena
      Kargatzen ikusiena