Kutsatzeek berriro egin dute gora Nafarroan, 70 zenbatu baitituzte

Bezperan baino zortzi gehiago dira, eta duela astebete baino 20 gehiago.

Osasun langile bat lankide bat txertatzen. Argazkia: EFE

E. G. | EITB MEDIA

publikatuta: 2021/03/05 08:31 (UTC+1)

azken eguneratzea: 2021/03/05 10:31 (UTC+1)

Gora egin dute berriro koronabirus kasuek Nafarroan: 70 zenbatu zituzten atzo, osteguna, Foru Gobernuak emandako behin-behineko datuen arabera.

Bezperan baino zortzi gehiago dira, baina, kezkagarriagoa dena, duela astebete baino 20 gehiago eta duela bi aste baino bost gehiago.

Kasu gehien pilatzen dituzten gune eta udalerriei dagokienez, Murchante eta Iruñeko Sanduzelai auzoak dira denen buru, bosna kutsatzerekin. Zerrendan bigarren postuan ageri dira, bestalde, Etxarri-Aranaz eta Iruñeko Arrotxapea auzoa, bietan lau positibo atzeman baitituzte.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.

Hau zure interesekoa bada, baliteke beste gai hauek ere izatea

Iruñeko albisteak Nafarroa Tutera berriak Gaixotasunak Gizartea bideoak Prentsa digitalaren azken orduko Lodosa albisteak Gaurko azken ordukoa Osasunari buruzko albisteak Medikuak Altsasu azken ordukoa Atarrabia azken ordukoa Erizaintza gaur Medizinak albisteak Txertoak azken ordukoa Zer gertatu da Barañain herrian? Nafarroako Ospitale Gunea Koronabirusa Anbulatorioak albisteak Osasunbidea gaur

Kutsatzeek berriro egin dute gora Nafarroan, 70 zenbatu baitituzte

Esteka kopiatuta