Gizartea -

KORONABIRUSA

Osakidetzak AstraZeneca txertoaren 52.760 dosi jarri ditu, albo-ondorio larririk gabe

Eusko Jaurlaritzak AstraZenecaren txertaketa aldi baterako eten eta biharamunean, Gotzone Sagardui Osasun sailburuak lasaitasuna eta zuhurtzia aldarrikatu ditu.

AstraZeneca botika etxearen txertoa. Artxiboko argazkia: EFE
AstraZeneca botika etxearen txertoa
''AstraZenecaren 52.760 dosi eman ditugu, bigarren mailako ondorio larririk gabe''

1:08

EITB MEDIA | AGENTZIAK

Whatsapp Facebook Twitter Telegram Email

AstraZenecaren txertaketa aldi baterako eten eta biharamunean, lasaitasun mezua zabaldu igorri du Gotzone Sagardui Eusko Jaurlaritzako Osasun sailburuak. Haren esanetan, Osakidetzak AstraZenecaren 52.760 txerto jarri ditu eta ez da albo-ondorio larririk izan.

Gobernu bileraren osteko prentsaurrekoan "zuhurtzia" azpimarratu du Sagarduik, AstraZenecaren txertaketa bi asterako bertan behera geratu ostean. Bien bitartean, Pfizer eta Moderna botika etxeen txertoak jartzen jarraituko dute.

Atzoko bidalketan, Pfizerren 30.420 txerto eta Modernaren beste 10.600 dosi jaso zituen Osakidetzak.

Orain arte, 248 308 txerto jarri dituzte Euskal Autonomia Erkidegoan, eta 68.035 pertsonak amaitu dute txertaketa prozesu osoa.

Aipaturiko txerto horiekin, 90 urtetik gorakoen txertaketa amaitu eta 80 urtetik gorakoak txertatzen jarraituko dute. Halaber, osasun arloko langileei lehen eta bigarren dosiak ere emango zaizkie.

Amaitzeko, txertaketa erritmoa txertoen horniduraren araberakoa izango dela berretsi du.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.

Hau zure interesekoa bada, baliteke beste gai hauek ere izatea
Euskal Osasun Zerbitzu Publikoa Bizkaia Albisteak Gipuzkoa Araba Eusko Jaurlaritza EAE albisteak Gaixotasunak Gizartea bideoak Eguneko albisteak Eguneko albisteak Osasun albisteak Koronabirusa