Publizitatea
Itxi

2021/03/23

13:09

Gizartea

Koronabirusa

Urkullu, txertaketa global eta solidarioari laguntzeko prest

E. G. | EITB MEDIA

Lehendakariak idatziz jakinarazi dio Covax mekanismoko presidenteari Jaurlaritzak ekarpen ekonomikoa egin nahi duela eta hori posible egiteko "bide argi" bat zehazteko eskatu dio.

  • Osasun langile bat gizon bat txertatzen Afrikan.

    Covax mekanismoak bidezko txertaketa du helburu. Argazkia: EFE

  • Whatsapp
  • Whatsapp
  • Telegram
  • Bidali

Iñigo Urkullu lehendakaria Jose Manuel Barroso Covax mekanismoko presidenteari zuzendu zaio, idatziz, Eusko Jaurlaritzak covid-19aren kontrako txertaketa global eta solidarioa lortzen laguntzeko prest dagoela adierazteko, eta hala jasota gera dadin.

Txertoetarako GAVI patronatuak (Munduko Osasun Erakundeak sustatutakoa) sortu du Covax mekanismoa. Horren xedea da koronabirusaren kontrako txertoa herrialde txiroenetara eta ahulenetara heltzea.

Europako Batzordeko presidente ohiari bidalitako gutunean, Urkulluk esan du txertaketa globalaren garrantziaz jabetzeko "elkartasun eta gizatasun printzipioak nahikoak ez balira, 'berekoiagoak'" diren printzipioak ere izan litezkeela. Hildo horretan, "pandemia, edo mundu osoan gainditzen da, edo ez da gainditzen". Herrialde bakoitzaren segurtasuna, ekonomia eta osasun publikoa ez dira salbu egongo immunitatea kontinente eta herrialde guztietara iristsi ezean".

Idatziz zuzendu zaio Urkullu Barrosori astelehen honetan, eta argi utzi nahi izan dio Eusko Jaurlaritzak "inplikazio aktiboa" duela txertaketa planetako biztanle guztiengana iristeko helburuan, eta txertoa, batez ere, herrialde txiroenen artean eta, beren osasun-sistemen ikuspuntutik, ahulenak direnen artean banatuko dela.

"Urtebeteko konpromiso solidarioa"

Lehendakariak jakinarazi dio duela gutxi Jaurlaritzak, lehenik, eta Legebiltzarrak, ondoren, babes publikoa eta irmoa eman diotela estrategia horri. Urkulluren iritziz, "helburu hori nazioartean partekatu beharko litzateke, modu multilateralean eta elkartasun eta gizatasun printzipioekiko konpromisoagatik".

Lehendakariak otsailaren 27an babestu zuen OMEko zuzendariak eta Europako Kontseiluko kideek otsailaren 25ean egindako adierazpena.

"Pandemiaren urte honetan, Euskadik konpromiso solidarioa duela erakutsi du, eta baliabideak eskaini dizkie beste autonomia erkidego batzuei, Peruri, esaterako. Orain, pandemia global baten aurkako borrokan, osasunaren aldeko lankidetza aldeanitza indartu nahi du, txertaketa global eta solidario baten bidez ", adierazi du astearte honetako Gobernu Kontseiluak onartutako oharrean.

Horretarako, Eusko Jaurlaritzak bi konpromiso hartzen ditu bere gain. Lehenik eta behin, Covaxen nazioarteko ahaleginak babestea; eta, bigarrenik, txertoak baliabide gutxien dituzten herrialdeetara iristen laguntzea, zuzenean eta horretarako behar diren bideak erabiliz.

Amaitzeko, Iñigo Urkulluk bere idatzian Barroso presidenteari bere Exekutiboak "ekarpen ekonomiko bat" egiteko duen "borondatea eta erabateko aurrejarrera" adierazi dio, datozen asteetan zehaztuko dena.

Ildo horretan, Barrosori eskatu dio "bide argi" bat jartzeko bai Jaurlaritzak baita espainiar Estatukoak ez diren beste Gobernu batzuek "txertaketa global eta solidario bat lortzeko ekarpena egin dezaten".

  • Bisitatuena

      Kargatzen ikusiena
      Kargatzen ikusiena
    ;