Ikertzaileek makinekiko euskarazko interakzioa bultzatu nahi dute

Dozena erdi erakundek EKIN proiektua aurkeztu dute aste honetan, besteak beste, Euskadiko lan-instalazioetan makinekiko elkarreraginean erabili ohi den hizkuntza naturala euskaraz ere eskaintzeko.

Vicomteck adimen artifizialeko ikerketa-zentroa ari da proiektua koordinatzen, Euskal Herriko Unibertsitatearen, Teknikerren, Ikor eta IMH enpresen eta UZEI erakundearen parte-hartzearekin.

Partzuergoaren helburua makinekiko elkarreraginerako euskarazko terminologia eta esamoldeen corpus bat eratzea da, industria-ingurunean euskara bultzatzeko. Horretarako, adimen artifizialeko teknika aurreratuak baliatuko dituzte.

INDEUS Industriaren Euskal Plataformatik ekimena babesteko gogoz azaldu dira, eta ekarpena egingo dute euskaraz eskuragai dagoen dokumentazioarekin.