Gizartea -

Koronabirusa

Musukoen derrigorrezko erabileraren legea aztertuko dute erkidegoek

Maskara derrigorrez erabili behar dela dio legeak, baita pertsonen arteko segurtasun-tartea egon arren. Araua ekaineko dekretu batean oinarritzen da eta agintariek eguneratu egin behar dela uste dute.

Herritarrak kalean musukoa jantzita. Artxiboko argazkia: EFE
Herritarrak kalean musukoa jantzita.
Herritarrak kalean musukoa jantzita. Artxiboko argazkia: EFE

EITB MEDIA | AGENCIAS

Whatsapp Facebook Twitter Telegram Email

Pertsonen arteko segurtasun-tartea mantendu arren, musukoa derrigorrez erabili behar dela agintzen duen legea berriro aztertuko dute Espainiako Osasun Ministerioak eta autonomia erkidegoek.

Hala jakinarazi du Carolina Darias Osasun ministroak, Lurraldeen arteko Osasun Kontseiluak gaur goizean bilera telematikoa egin ostean.  

Arau berria 2020ko ekainean onartu zen normaltasun berrirako lege-dekretuan oinarritzen da. Orduan abiatu zuten tramitazioa Diputatuen Kongresuan eta joan den martxoaren 18an onartu zuten behin-betiko.  

Lege horren arabera, musukoa derrigorrez erabili behar da, baita pertsonen arteko segurtasun-tartea mantentzea posible denean ere.

Gaurko batzarrean puntu zehatz hori izan dute hizpide Espainiako Gobernuko eta erkidegoetako osasun arduradunek. Azken horiek uste dute araua eguneratu egin beharko litzatekeela, irizpideak adosteko eta erkidego guztietan berdin jokatzeko.  

Dariasek aitortu du lege hori tramitatzen hasi zirenetik denbora asko igaro dela tea erkidego batzuetan irizpideak ezberdinak direla. Hortaz, garrantzitsutzat jo du araua teknikoki aztertzea, "ahalik eta bateratuena eta eguneratuena izan dadin".  

"Uste dut oso garrantzitsua dela lege hori bateratzea, homogeneizatzea eta testuinguruan jartzea. Hiru helburu horiek lortzeko asmoz aztertuko dugu legea eguneratzeko modua", erantsi du Dariasek.  

Irizpide berri horiek datorren asteko bileran eztabaidatuko dituzte, aurrez aipatu lan teknikoa egiten bada.

 

Hau zure interesekoa bada, baliteke beste gai hauek ere izatea
Eusko Jaurlaritza Euskal Autonomia Erkidegoa Espainiako Gobernua Gaixotasunak Gizartea Eguneko albisteak Albisteak Nafarroako Gobernua Osasun albisteak Sendagaiak Txertoak Koronabirusa Maskarak