Publizitatea
Itxi

2021/04/01

16:18

Gizartea

KORONABIRUSA

Iñigo Urkullu: "Ez dugu neurri gehiago hartzeko zalantzarik izango"

I. G. | EITB MEDIA

Intzidentzia-tasak EAEn "etengabeko goranzko joera kezkagarria" dagoela islatzen duela ohartarazi du: 292,8 kasu 100.000 biztanleko.

  • Iñigo Urkullu lehendakaria eta Gotzone Sagardui Osasun sailburua.

    Iñigo Urkullu lehendakaria eta Gotzone Sagardui Osasun sailburua. Irudia: EFE

  • Whatsapp
  • Whatsapp
  • Telegram
  • Bidali

Iñigo Urkullu lehendakaria kezkatuta agertu da covid-19ari aurre egiteko Aste Santuko murrizketen inguruan, koronabirusaren "goranzko joera etengabea" dela eta. Ohartarazi du Eusko Jaurlaritzak ez duela zalantzarik izango neurri gehiago hartzea beharrezkoa ikusten badu.

"Kezka covid-19ari aurre egiteko ezarritako neurrien inguruan" izeneko artikulua jarri du lehendakariak Facebooken, Euskadiko Babes Zibileko Planaren (LABI) aholku batzordeak martxoaren 26an hartutakoei erreferentzia eginez. Neurri horietan, 400 kasuko intzidentzia-tasa metatua gainditzen duten udalerrietarako proposatutako murrizketak biltzen ziren.

Bere argitalpenean, lehendakariak murrizketa horiek babestu ditu, "osasun irizpideetan soilik oinarrituta" eta "arriskuak onartuta" hartu zirelako, "osasunaren, emozioen eta ekonomiaren" arteko oreka lortzeko.

Ohartarazi du intzidentzia-tasak "etengabeko goranzko joera kezkagarria" duela EAEn: 292,8 kasu 100.000 biztanleko, azken datuen arabera. Gainera, argi utzi du adierazle guztiak egunero berraztertzen direla.

"Hori dela eta, eta euskal gizartearen osasunarekiko interesik onenarekin, ez dugu zalantzarik izango horretan lagunduko duen behar beste erabaki hartzeko", adierazi du Urkulluk, eta pandemiak goranzko bidea har ez dezan lagunduko duela azpimarratu du, "herritar bakoitzak prebentzioz, konpromisoz eta elkartasunez bete ditzan neurri eta gomendio guztiak".

Ildo horretan, txertaketa prozesuarekin immunitate orokorra lortu arte honako neurria baino hoberik ez dela azpimarratu du: "Prebentzio indibidual eta kolektiboa, neurri guztiak betez, transmisio katea mozten laguntzen dutenak".

"COVID-eri aurre egiteko gakoa ez da neurri gehiago ezartzea, indarrean daudenak betetzea baizik".¿¿ Aurreko astean...

Publicado por Iñigo Urkullu en Jueves, 1 de abril de 2021

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.
  • Bisitatuena

      Kargatzen ikusiena
      Kargatzen ikusiena