Gizartea -

Koronabirusa

Txertoei esker 50 heriotza ekidin dira Nafarroan

Txertaketa kanpaina abenduaren 27an abiatu zen. Harrezkero, 167.662 dosi jarri dituzte eta 50.517 pertsona daude immunizatuta.

Santos Indurain Osasun kontseilariak AstraZenecaren txertoa hartu zuen. Artxiboko argazkia: EFE
Santos Indurain Osasun kontseilariak AstraZenecaren txertoa hartu zuen.
Santos Indurain Osasun kontseilariak AstraZenecaren txertoa hartu zuen. Artxiboko argazkia: EFE

EITB MEDIA | AGENTZIAK

Whatsapp Facebook Twitter Telegram Email

Covid-19aren aurkako txertaketa kanpaina joan den abenduaren 27an abiarazi zuten Nafarroan. Harrezkero, eta apirilaren 11 bitartean, 50 heriotza, 700 kutsatze sintomatiko eta 200 ospitaleratze saihestu direla jakinarazi du gaur Nafarroako Gobernuak.

Santos Indurain Osasun kontseilariak azaldu duenez, atzo 6.018 txerto jarri ziren, inoizko zifrarik altuena. Oraingoz, 196.705 dosi jaso dituzte eta horietatik 167.662 jarri dira.

16 urtetik gorako herritarren artean, 50.517 pertsona daude immunizatuta (% 8,8) eta 66.518k lehen dosia jaso dute.

Indurainek esan du txertoen horniketan Pfizer-BioNTech dela berme gehien eskaintzen ari den konpainia eta Janssenen txertoari buruz osasun agentziek erabakiko dutenaren zain daudela. Nafarroak 2.050 dosi jasoko ditu.

Edonola ere, lasaitasunerako deia egin du, Gobernuak zer egin behar duen argi duela eta aurreikuspen errealistak egin dituela ziurtatuta.

AstraZenecaren txertoari dagokionez ere lasaitasunerako mezua zabaldu nahi izan du, bigarren dosia ematekoa epea luzeagoa dela azpimarratuta. Une honetan 50.000 lagun daude txerto hori jartzeko deiaren zain Nafarroan.   

 

Hau zure interesekoa bada, baliteke beste gai hauek ere izatea
Osakidetza Iruñea Nafarroa Gaixotasunak Gizartea Eguneko albisteak Albisteak Nafarroako Gobernua Zientzia Osasun albisteak Medikuak Basurtuko ospitalea Gurutzetako ospitalea Erizaintza Sendagaiak Txertoak Donostia Ospitalea Txagorritxu Ospitalea Nafarroako Ospitale Gunea Koronabirusa Galdakao-Usansolo Ospitalea Anbulatorioak Osasunbidea