Gizartea -

DESAGERPENA

Topatu dute Lazkaon desagertutako 45 urteko ataundarra

Atzotik haren bila ibili dira senideak eta Euskadiko Larrialdi Zerbitzuak. Bizirik topatu dute, Lazkao aldean.

45 urteko emakume bat desagertu da Lazkaon. Argazkia: Irekia
45 urteko emakume bat desagertu da Lazkaon
45 urteko emakume bat desagertu da Lazkaon. Argazkia: Irekia

EITB MEDIA

Whatsapp Facebook Twitter Telegram Email

Bizirik aurkitu dute atzotik desagertuta zegoen 45 urteko emakume ataundarra, Segurtasun Sailak jakitera eman duenez. Emakumea atzo arratsaldean Lazkaon ikusi zuten azkenekoz.

Senideek eta Euskadiko Larrialdi Zerbitzuak (DYAko langileek, Gurutze Gorriko langileek, Lazkaoko udaltzainek, Ertzaintzako patruilek eta Mendi, Urpekaritza eta Txakurren Erreskate Unitateko kideek osatu dituzte) haren bila ibili dira Ataun eta Lazkao artean, Babes Zibileko teknikari batek koordinatuta.

Astearte goizean, Lazkao inguruan topatu dute emakumea, eta, Segurtasun Sailak esan duenez, amaitutzat eman dituzte bilaketa-lanak.

Hau zure interesekoa bada, baliteke beste gai hauek ere izatea
Gipuzkoa Euskal Autonomia Erkidegoa Gizartea Eguneko albisteak Eguneko albisteak Desagertutako pertsonak Lazkao albisteak Goierri azken ordukoa