Publizitatea
Itxi

2021/04/27

15:48

Gizartea

GATIKA-BORDELE INTERKONEXIOA

Gatika eta Bordele lotuko dituen interkonexio elektrikoa aurkeztu dute

O.P. | EITB MEDIA

Eragile instituzional eta sozialen proposamenak jasotzen ditu, hala nola Gatikako azpiestazioaren eta kostaldearen arteko lurreko trazadura lurperatzea, Lemoizko ebakuazio-lineak desmuntatzea.

  • Gatika eta Cubnezais arteko interkonexioaren grafikoa.

    Gatika eta Cubnezais arteko interkonexioaren grafikoa. Irudia: EITB

  • Whatsapp
  • Whatsapp
  • Telegram
  • Bidali

Espainiako Sare Elektrikoak (REE) Gatikatik Bordelera doan Espainia eta Frantziaren arteko interkonexio elektrikoaren aurreproiektua eta ingurumen-inpaktuaren azterketa aurkeztu ditu. Azpiegitura berriaren inguruko txosten eguneratuak lurraldeko eragile instituzional eta sozial desberdinek 2017-2018an egindako parte-hartze publikoko prozesuan planteatutako proposamen nagusiak bildu ditu.

Aurreproiektuan eta ingurumen-inpaktuaren azterlanean sartu dira jasotako iradokizun zenbait, esaterako, Gatikako azpi-estazioaren eta kostaldearen arteko lurreko trazadura lurperatzea, Lemoizko ebakuazio-lineak desmuntatzea eta paisaian inpaktua murrizteko neurri espezifikoak hartzea, ikusizko inpaktua eta soinu-inpaktua gutxitzeko.

Gainera, lurralde- eta ingurumen-diagnostikoa egin ondoren, prebentzio- eta zuzenketa-neurriei buruzko proposamenak ere egin dira, bai eta ingurumena zaintzeko plan bat ere.

Proposamena jendaurrean da jada eta datozen asteetan interesa duen edozein pertsonak, administraziok edo erakundek proposamenaren berri izan dezan eta egokitzat jotzen dituen iritziak eman ahal izango ditu.

Sare Elektrikoak, gainera, informazio-kanpaina bat hasiko du udalerrietan eta interes-taldeekin, aurreproiektuaren proposamena azaltzeko. Horrez gainera, lurreko, geoteknikako eta topografiako azterketak hasiko ditu, egindako analisien xehetasunak zabaltzeko eta ingurumen-lanak eta lan teknikoak osatzeko.

Interkonexioaren zifrak

Espainia eta Frantzia Bizkaiko Golkotik lotzen dituen lotune hau bi herrialdeen arteko lehen itsaspeko interkonexio elektrikoa da, eta Frantziarekiko interkonexio-ahalmena handituko du egungo 2800 MW-etatik 5000 MW-ra.

Konexioak 400 kilometroko luzera du Gatikako azpi-estazioaren eta Cubnezaiseko azpi-estazioaren artean (Bordeletik gertu), eta gutxi gorabehera 1750 milioi euroko aurrekontua du.

Lau kablez osatua egongo da, lotune bakoitzeko bina kable, korronte zuzenean eta 2x1000 megawatteko edukierarekin. Lur-tartearen luzera 13 km-koa izango da Bizkaian eta 80 km-koa Frantzian. 

Bere izaera estrategikoa dela eta, interkonexio elektriko berria 'Interes Bateratuko Proiektua' (PIC) izendatu zuten Europako Batzordeak eta Parlamentuak 2013ko urriaren 14an, energia-azpiegiturei buruzko Europako erregelamenduaren esparruan.

  • Bisitatuena

      Kargatzen ikusiena
      Kargatzen ikusiena