Publizitatea
Itxi

2021/05/01

20:57

Gizartea

KORONABIRUSA

31.300 txerto ematera iritsi da egun bakar batean Osakidetza, orain arteko gehien

o.p. | eitb media

Gotzone Sagardui Osasun sailburuak adierazi du txertaketa-erritmoa txertoak eskura edukitzeren araberakoa dela eta ez Osakidetzak haiek jartzeko daukan gaitasunaren araberakoa.

1:18
Galdakaoko udal kiroldegiaren sarrera.
  • Whatsapp
  • Whatsapp
  • Telegram
  • Bidali

Euskadik egun bakar bateko txertaketa-marka hautsi zuen atzo covid-19aren aurkako 31.300 txerto ipinita, Gotzone Sagardui Eusko Jaurlaritzako Osasun sailburuak gaur jakitera eman duenez, Galdakaoko Urretako kiroldegian dagoen txertaketa-zentroa bisitatu ostean.

Osakidetzak aurreikusita zuen asteburu honetan 45.000 dosi jartzea, aste honetan 193.080 dosi iritsi ostean; Osakidetzak datozen egunotan amaitu du horiek denak jartzen, bigarren dosiak bermatzeko erreserba txiki bat izan ezik.

Azken egunetako txertaketa kopurua ikusirik, Sagarudik nabarmendu du txertaketa kopurua ez dagoela Osakidetzak haiek jartzeko duen gaitasunaren menpe, "txertoak esura edukitzearen" menpe baizik.

Erritmoari eutsiz gero, Sagarduik uste du 50 urtetik gorako herritarrak uda hasterako egon daitezkela txertatuta.

AstraZenecaren bigarren dosia

Eusko Jaurlaritza Sendagaien Europako Agentziaren jarraibideei jarraitzearen aldekoa da, eta uste du Osasun Publikoaren Batzordeak AstraZenecaren bigarren dosia emateko erabakia hartu aurretik ebidentzia zientifiko handiagoak izan arte itxaroteko erabakia "zuhurtziagatik" hartu dela.

Osasun Publikorako Batzordeak erabaki zuen AstraZenecaren txertoa jaso duten 60 urtetik beherakoek gutxienez beste lau aste gehiago itxaron beharko dutela immunizazioa nola eta noiz osatuko duten jakiteko; bien bitartean, datu gehiago bitzen ari dira marka horren bigarren dosia jasotzeko segurtasunari buruz edo beste batzuekin konbinatzearen eraginkortasunari buruz.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.
  • Bisitatuena

      Kargatzen ikusiena
      Kargatzen ikusiena