Gizartea -

KORONABIRUSA

16 urtetik gorakoen % 45ek txertoaren dosi bat hartu dute Nafarroan

Santos Indurainek baieztatu duenez, gainera, % 23k immunizazio prozesua amaitu dute.

10 pertsonatik ia zazpik jaso du txertoaren dosiren bat Nafarroan. EFEren artxiboko irudia.
10 pertsonatik ia zazpik jaso du txertoaren dosiren bat Nafarroan
10 pertsonatik ia zazpik jaso du txertoaren dosiren bat Nafarroan. EFEren artxiboko irudia.

A. S. | EITB MEDIA

Whatsapp Facebook Twitter Telegram Email

Santos Indurain Nafarroako Gobernuko Osasun kontseilariak esan duenez, pandemia hasi zenetik lehen aldiz, "denbora alde daukagu, ez aurka". Gainera, 16 urtetik gorakoen % 45ek txertoaren dosiren bat hartu dute, eta % 23k immunizazio prozesua amaitu dute, horren arabera.

Hala ere, adi egoten jarraitu behar dela gogorarazi du, eta "iaz huts egin zuen udaren ostean", aurtengoaren atarian "trantsizioa eta malgutasuna" proposatu ditu.

EH Bilduk eskatuta Nafarroako Parlamentuan egin duen agerraldian Santos Indurainek esan duenez, Nafarroan 10 lagunetik ia zazpik txertoa hartu dute. "Pandemiak gure denborak markatu beharrean, gu ari gara orain denborak markatzen"; izan ere, kontseilariaren esanetan, "gero eta bitarteko gehiago eta hobeak ditugu".

Indurainen iritzian, hiru dira bilakaera ona dela dioten adierazleak: azken egunetan pilatutako intzidentziak nabarmen egin du behera, baita ospitaleko presioak ere, eta txertaketa prozesua abiadura bizian doa.

"Txertoekin ere birusari aurre egin beharko diogu, aldaeren ondorioz, baina ikasitako guztiarekin birusari aurrea hartzeko prest gaude", azaldu du, eta datorren udari begira gogorarazi du ez dagoela presaka ibili beharrik, iaz bezala huts egin baitaiteke, eta trantsizioaren eta malgutasunaren alde egin du.

Horren aurrean, Nafarroak ezarritako "bide-orria" babestu egin du Indurainek; izan ere, egun dituen adierazleekin, "arrisku ertainean" dago, eta horrek murrizketa neurri jakin batzuk dakartza. Pandemiaren bilakaeraren arabera, Gobernuak hainbat neurri hartuko ditu hamabost egunean behin onartzen dituen foru aginduetan.

Kontseilariaren esanetan, oraingoz, "datuen beheranzko joera sendotu egin da hainbat astez, baina hemendik aurrera adi egongo gara, kutsatzeetan eta ospitale-sisteman arreta berezia jarriz".

Hau zure interesekoa bada, baliteke beste gai hauek ere izatea
Iruñea gaur Nafarroa Gaixotasunak argazkiak Gizartea albisteak Eguneko albisteak Gaurko azken ordukoa Nafarroako Gobernua Zientzia albisteak Medikuntza albisteak Sendagileen albisteak Erizaintza gaur Medizinak albisteak Txertoak albisteak Nafarroako Ospitale Gunea azken ordukoa COVID olatu berria Anbulatorioak Osasunbidea gaur