Publizitatea
Itxi

2021/07/12

10:11

Gizartea

KORONABIRUSA

Kutsatzeek gora egin dute Nafarroan, laugarren egunez jarraian

Eider Garaikoetxea O. | EITB MEDIA

"Ez-jaien" testuinguruan zenbatu dira positibo gehien: Iruñean 110 kasu atzeman dituzte, eta Lesakan, 25.

  • Hainbat pertsona, zuriz jantzita eta zapi gorria lepoan, Iruñean.

    Sanferminik ez da egon Iruñean eta Lesakan. Argazkia: EFE

  • Whatsapp
  • Whatsapp
  • Bidali

Laugarren egunez jarraian gora egin dute kutsatzeek Nafarroan. Igande honetan 368 positibo zenbatu dituzte, Foru Gobernuak emandako datuen arabera.

Atzokoan 2.380 proba diagnostiko egin zituzten, eta horietatik % 15,5 positibo izan ziren.

Bezperan baino 29 gehiago dira, baina duela astebete zenbatutakoak baino 137 gutxiago. Duela 14 eguneko datuekin alderatuta, 339 gehiago dira. 

Udalerriei dagokienez, Lesakan zenbatu dituzte positibo gehien: 25. Iruñean, guztira, 110 kutsatze izan dira. Arrotxapea auzoan 22 kutsatze hauteman dituzte, Barañainen (14), eta Iruñeko II. Zabalgunea eta Txantrea auzokoetan (13 eta 12 kasu, hurrenez hurren).


Igandean hiru pertsona ospitaleratu zituzten gela arruntetan, bat ere ez ZIUan. Guztira, 33 gaixo daude erietxeetan, eta 11 larri daude (Zainketa Intentsiboko Unitateetan).

Txertaketari dagokionez, atzokoan 6.122 dosi jarri zituzten, eta guztira, 12 urte baino gehiago duten 304.980 pertsona guztiz immunizatuta daude dagoeneko.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.
  • Bisitatuena

      Kargatzen ikusiena
      Kargatzen ikusiena
    ;