Gizartea -
Trafikoa
Elgoibar, Zarautz, Irun, Gasteiz eta Armiñoneko auto pilaketek irteera operazioa zaildu dute
Goizeko lehenengo orduetan, Biriatuko ordainlekuan zazpi kilometroko ilarak egon dira, Ertzaintzak jakitera eman duenez.
EITB Media
Uztaileko azken asteburuko lehen orduetan hainbat auto pilaketa egon dira Euskal Autonomia Erkidegoko errepideetan. Udako irteera operazioa bereziki igarri da Araban eta Gipuzkoan. Ertzaintzak jakitera eman duenez, baina, eguerdi aldean desegin dira pilatzerik esanguratsuenak.
Gipuzkoa
Eusko Jaurlaritzaren Segurtasun Sailaren datuen arabera, goizean zehar zazpi kilometroko auto ilarak egon diraIrunen (AP-8), Biriatuko ordaintokitik hasita, Baionako noranzkoan.
Gainera, sei kilometrokoak izan dira pilaketak Zarautzen, AP-8ko bidesariko ordainlekuan, Bilboko noranzkoan. Bestetik, lau kilometroko ilara egon da Elgoibarren (AP-8 eta AP-1en arteko lotunean), Bilboko noranzkoan.
Goizeko lehen orduetan, trafiko mozketak egon dira Donostia inguruan, Donostiako Klasikoa txirrindularitza txapelketarengatik.
Araba
Arabako errepide sarean, ostera, bi puntutan izan dira zirkulazio arazoak.
Alde batetik, sei kilometroko pilaketa egon dira Armiñonen (A-1 eta AP-1 arteko lotunean, Burgosko noranzkoan).
Bestetik, hiru eta lau kilometro inguruko ilara izan da Gasteizen, N-622 eta A-1 errepideen arteko lotunean, Burgosko Noranzkoan.