Gizartea -

Trafiko istripua

Motozale bat hil da N-622 errepidean, Zuian, bidetik aterata

Istripua 21:00etan jazo da. Horren ondorioz, auto-ilara luzeak sortu dira Bilborako noranzkoan, eta 22:00ak aldera bi kilometrorainokoak ziren.

Agentziak | EITB Media

Whatsapp Facebook Twitter Telegram Email

Motozale bat hil da igande honetan Zuian (Araba), N-622 errepidean, bidetik irten ostean, Eusko Jaurlaritzako Segurtasun Sailak jakitera eman duenez.

Istripua 21:00etan jazo da, motozalea bidetik atera denean. Istripua izan ondoren, ezkerreko erreian etzanda geratu da.

Ertzaintza, suhiltzaileak eta osasun-langileak bertaratu dira, eta biktima artatu dute. Alabaina, motozalea bertan hil da, istripuan zauri larriak egin ondoren.

Ezbehar horren ostean, errepidea erabat itxi dute hamar minutuz Bilborako noranzkoan, segurtasunez lan egin ahal izateko, eta eskuineko erreia ireki dute gero.

Horren ondorioz, auto-ilara luzeak sortu dira Bilborako noranzkoan, eta 22:00ak aldera bi kilometrorainokoak ziren.

Hau zure interesekoa bada, baliteke beste gai hauek ere izatea
Trafiko Istripuak Trafikoa Bilbo Bizkaia Araba Euskal Autonomia Erkidegoa Gizartea Bilbo erdialdeko sarbidea Trafiko webkamerak Eguneko albisteak Albisteak Trafiko istripuen biktimak