Itxi

2021/08/11

20:49

Gizartea

Koronabirusa

Txertoa hartu ez duten zahar-etxeetako langileei astero bi detekzio-proba egitea nahi du Osasun Ministerioak

Agentziak | EITB Media

Gainera, langile horiek lanpostuz aldatzeko aukera aztertzea proposatu du Lurraldearteko Kontseiluan, txertoa hartu ez badute. Dena dela, autonomia erkidegoek erabakiko dute neurri horiek ezarri ala ez.

1:35
  • Whatsapp
  • Whatsapp
  • Telegram
  • Bidali

Txertoa hartu nahi ez duten edo bi dosiei uko egiten dieten zahar-etxeetako langileek gutxienez astean bitan egin beharko dituzte gaitza atzemateko detekzio-probak, eta lanpostuz aldatzeko aukera izango dute horien arduradunek.

Carolina Darias Osasun ministroak asteazken honetan jakinarazi duenez, zahar-etxeentzat gomendatutako neurri bat da hori, koronabirusari aurre egiteko asmoz. Hala erabaki dute modu telematikoan egindako Osasun Sistema Nazionalaren Lurraldearteko Kontseiluan (CISNS), ezohiko osoko bilkuran.

Testuinguru horretan, Darias buru duen Osasun Ministerioak azaldu duenez, azken hilabeteotan zentro soziosanitarioetan bizi diren adinekoen artean positiboak eta heriotzak nabarmen jaitsi diren arren, "gaitzaren hedapena azkarra denean kasuak atzemateko arriskua dago, bereziki hartu beharreko neurriak ezartzen ez badira".

Hala, txertaketa-kanpaina aktiboki bultzatzeko beharra jasotzen du dokumentuak, txertoari uko egiten dioten pertsonen arrazoiak identifikatzea eta immunitate-datuak ahalik eta gehien handitzeko estrategiak garatzea, betiere zentroen parte-hartzearekin.

Senideen bisitei dagokienez, berriz, transmisio handiko egoeretan dagokion agintaritza eskudunak gomendioak egin ditzake zahar-etxeetako bisita eta irteera-araudiari buruz, bai eta horrekin lotutako beste inguruabar batzuei buruz ere, hala nola bisitari-kopurua edo irteeren antolaketa eta iraupena.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.
  • Bisitatuena

      Kargatzen ikusiena
      Kargatzen ikusiena
    ;