Gizartea -
Koronabirusa
Litekeena da jarritako hiru milioi txertoen mugarria gainditzea asteburu honetan Euskadin
Txertoa jaso dezaketen EAEko biztanleen % 75,3 immunizatuta daude jada, eta % 83,4k gutxienez dosi bat jaso dute.
I. R. | EITB Media
Koronabirusaren aurkako txertaketa prozesua erritmo onean doa Euskadin, eta, asteburu honetan txertatuko diren dosiak kontuan hartuta, baliteke jarritako hiru milioi txertoen kopurua gainditzea laster.
Aurreikusita dago 30.874 dosi ematea Euskadiko txertaketa-gune nagusietan, baina, anbulatorioetan jarriko dituztenekin, hiru milioi ziztaden mugarria gaindituko da.
Txertaketa-kanpaina 2020ko abenduaren 27an hasi zen gurean, eta ordutik 12 urtetik gorako ia 1,5 milioi pertsonak dute jarraibide osoa; beste 178.699 lagunek, berriz, lehen dosia jaso dute, Eusko Jaurlaritzako Osasun Sailaren azken buletinaren arabera.
Horrela, txertoa jaso dezaketen EAEko biztanleen % 75,3 immunizatuta daude, eta % 83,4k gutxienez dosi bat jaso dute.
