Itxi

2021/08/31

10:56

Gizartea

TURISMOA

Getxok lehen bidaiari-ontzia hartu du 2019tik

AGENTZIAK | EITB MEDIA

Itsasontzia gauean iritsi da Donibane Lohizunetik eta arratsaldean abiatuko da Azoreetara (Portugal). 150 turista inguru ekarri ditu, gehienak alemaniarrak.

1:06
  • Whatsapp
  • Whatsapp
  • Telegram
  • Bidali

Denboraldiko lehen bidaiari-ontzia porturatu da bart Getxoko terminalean, Bilboko Portuko Agintaritzak jakitera eman duenez. 2019tik, covid-19aren pandemia hasi aurretik, bertan porturatu den lehen bidaiari-ontzia da.

Itsasontziak Hanseatic Inspiration du izena, 200 bidaiari inguru eraman ditzake, eta 120 kidek osatzen dute eskifaia. Pandemiaren ondorioz, 150 turista baino ez daramatza, gehienak alemaniarrak.

Itsasontzia gauean iritsi da Donibane Lohizunetik, eta arratsaldean abiatuko da Azoreetara (Portugal). 

Itsas bidaia hori 2020ko urriaren 14rako programatuta zegoen, baina atzeratu egin behar izan zuten, koronabirusak eragindako osasun krisiari aurre egiteko izandako murrizketen ondorioz.

Bilboko portura iritsi zen azken bidaiari-ontzia AidaSol izan zen; 2.216 turista zeramatzan, eta 2019ko azaroaren 1ean iritsi zen Getxoko portura.

Bilboko Portuko Agintaritzak Getxoko itsas bidaiarien terminala egokitu du, pandemiaren aurrean bidaiarien segurtasuna eta osasuna bermatzeko.

  • Bisitatuena

      Kargatzen ikusiena
      Kargatzen ikusiena
    ;