Hondarribiko Udalak arreta eskaini die surf irakaslearen sexu-abusuen biktimei

Hondarribiko Udalak udalerrian gertatutako sexu-abusuen biktimei eta familiei udal zerbitzuengandik beharko duten arreta eskaini die. Txomin Sagarzazu alkateak "errespetu osoa eta elkartasuna" adierazi die biktimei.

Hondarribiako surf irakasle bat atxilotu zuten sei adingaberi sexu-abusuak egitea egotzita. Hala, Martuteneko espetxera bidali zuten behin-behinean.

Eusko Jaurlaritzaren Segurasun sailak azaldu duenez, 37 urteko gizona ustezko tratu txarrak egiteagatik bere aurkako sei salaketarekin lotuta dago.

Txomin Sagarzazuk, udalerriko alkateak, Hondarribia "hunkituta eta oso triste" dagoela azaldu du, eta "errespetu osoa eta elkartasuna" adierazi die bai biktimei baita haien familiei ere.

"Gertatutakoa eta bere hedadurari dagokienez, une honetan martxan dagoen jarduketa judiziala errespetatu behar dugu", gaineratu du Sagarzazuk.