Publizitatea
Itxi

2021/09/09

11:42

Gizartea

Irailaren 12an

Horrela eragingo die Kontxako Banderak oinezkoei eta ibilgailuei

Naiara Ballesteros | EITB MEDIA

Estropadak Pasealeku Berriari eta Kontxa pasealekuari eragingo die gehien, baina, besteak beste, Urgull mendia ere itxita egongo da.

  • Kontxako Banderaren argazkia 2011n

    Kontxako Banderaren argazkia 2011n. Argazkia: Justino Arto.

  • Whatsapp
  • Whatsapp
  • Telegram
  • Bidali

Igande honetan, irailaren 12an, Kontxako Bandera lehiatuko da Donostian, ateak itxita covid-19aren ondorioz, baina edukiera murriztuarekin jendearentzat.

Donostiako Udalak jakitera eman duenez, edukiera % 20koa izango da eta ohiko sarbideak itxita egongo dira. Hala ere, estropadak zuzenean jarraitu ahalko dira ETB1en eta eitb.eus-en.

Larunbateko (irailak 11) 22:00etatik igandeko (irailak 12) 16:00etara, Pasealeku Berria erabat itxita egongo da, baimendutako pertsonentzat eta ibilgailuentzat izan ezik, baita aldez aurretik mugatutako espazioetarako sarrera duten pertsonentzat ere.

Urgull mendia ere itxita egongo da egun osoan, baimendutako pertsonentzat eta ibilgailuentzat izan ezik.

Irailaren 12an, 01:30etik 13:30era, Nautikoko pasabiderako sarbidea eta Terraza ingurua itxita egongo dira. Era berean, Nautikotik hondartzarako sarbidea itxi egingo dute, baimendutako pertsonentzat izan ezik.

Halaber, portuetako sarrerak itxita egongo dira irailaren 12an, 01:30etik 13:30era.

Gainera, irailaren 12an, 08:00etatik 13:00etara, Kontxako pasealekua erabat itxita egongo da udaletxearen eta Donostiako Atletikoren artean, Kontxako hondartzarako sarbideak libre utzita.

08:00etatik 13:00etara, Mari kaleko pasabiderako sarbidea itxiko dute bi muturretan, eta Santa Klara uhartea itxita egongo da irailaren 12an.

Donostiako Udalak gogorarazi du maskara, segurtasun-distantzia eta eskuen higienea derrigorrezkoa dela. Gainera, ezin da jan eta/edo edan, ura izan ezik, ezta erre ere, eta debekatuta dago animazio-elementuak eramatea, musika-tresnak eta bonboak, esaterako.

  • Bisitatuena

      Kargatzen ikusiena
      Kargatzen ikusiena
    ;