Itxi

2021/09/16

07:12

Gizartea

Nafarroa

Kartzelan sartu dituzte Burlatan gazte bat sastakatzeagatik atxilotutako bi pertsonak

Agentziak | EITB MEDIA

Biktimak zauri larriak jaso zituen gorputzeko hainbat lekutan, eta ebakuntza egin zioten Nafarroako Ospitalean.

  • Whatsapp
  • Whatsapp
  • Telegram
  • Bidali

Iruñeko 5 zenbakiko Instrukzio Epaitegiak igandean Burlatan gazte bat sastakatzeagatik atxilotutako bi lagunak behin-behinean espetxeratzeko agindua eman du, Foruzaingoak jakitera eman duenez.

Gazteak zauri larriak jaso zituen gorputzeko hainbat lekutan, eta ebakuntza egin zioten Nafarroako Ospitalean.

Epaileak bere autoan nabarmendu duenez, biriketan egindako zauria "bizi-arrisku handiko lesio bat da".

Halaber, akusatuetako batek biktimari arma zuri batekin eraso ziola adierazi du, besteak "hil ezazu, hil ezazu" oihukatzen zuen bitartean, eta, beraz, "bi inplikatuen arteko adostasuna" egon zela ondorioztatu du epaileak.

Instrukzio epailearentzat, hilketa saiakera delitua izan da, eta, ondorioz, 5 eta 10 urte arteko espetxe zigorra jaso dezakete.

  • Bisitatuena

      Kargatzen ikusiena
      Kargatzen ikusiena
    ;