Gizartea -
DESAGERTUTAKO PERTSONAK
Berrobin desagertutako gizonaren bila jarraitzen dute
Larunbatean gaztearen motorra eta motxila aurkitu zituzten desagertua bilatzen ari diren mendi inguruan. Asteartean mendira motorrean buelta bat ematera atera zenetik ez dute haren berririk izan.
A. S. | EITB MEDIA
Asteartean Berrobi (Gipuzkoa) inguruan desagertutako 33 urteko gizonaren bila hasi dira berriro goizean goiz Euskadiko Larrialdi Zerbitzuak. Gaztea motorrarekin buelta bat ematera atera zen, baina ez zen etxera itzuli.
Larunbatean, erreskate taldeek haren motorra eta motxila aurkitu zituzten bila ari diren mendi batean, Eusko Jaurlaritzako Segurtasun Sailak jakitera eman zuenez. Oraingoz, ordea, ez dute gizonaren berririk.
Ertzaintzaren hainbat unitatek, Euskadiko Txakurren Salbamendu Taldeak, Gurutze Gorriak, Gipuzkoako suhiltzaileek eta inguruko dozenaka boluntariok astelehen honetan ekin diete berriro bilaketa lanei.
