Gizartea -

Donostia

Fiskaltzak ez du Hondaleako lanetan "irregulartasunik" ikusten, eta LABen salaketa artxibatu du

Erabakiaren aurka ez dago helegitea aurkezteko aukerarik. Eneko Goia Donostiako alkatearen hitzetan, "salaketa honen atzean giroa gaiztotzeko borondate argia egon da".

Hondalea, Cristina Iglesiasek Santa Klara uharteko itsasargian egindako eskultura. Argazkia: EFE
Hondalea, Cristina Iglesiasek Santa Klara uharteko itsasargian egindako eskultura. Argazkia: EFE
Hondalea, Cristina Iglesiasek Santa Klara uharteko itsasargian egindako eskultura. Argazkia: EFE

Agentziak | EiTB Media

Whatsapp Facebook Twitter Telegram Email

LAB sindikatuak Donostiako Udalaren aurka aurkeztutako salaketa artxibatu du Gipuzkoako Fiskaltzak, Hondaleako lanetan egindako ustezko irregulartasunengatik. Santa Klara uharteko itsasargian Cristina Iglesiasek egindako eskultura da Hondalea.

Iragan abuztuan ikerbidea abiatu zuen Fiskaltzak, LABek salaketa aurkeztu ondoren. Eskultura jartzeko lan batzuetan bi esleipen delitu leporatu zizkion sindikatu abertzaleak.

Donostiako Udalak ohar batean jakitera eman duenez, Ministerio Publikoak orain ez du "irregulartasunik" ikusi lanen esleipenean.

Juan Calparsoro Gipuzkoako fiskalburuak sinatu du ebazpena. Udalak aurkeztutako dokumentazioa aztertuta, "Santa Klarako uhartearen itsasargiko eraikinean lanak egiteko kontratazio prozeduran ez da irregulartasunik izan", adierazi du Fiskaltzak.

Goia: "Artelanaren gainean susmo txarra zabaltzeko borondate argia egon da"

Ikerbidea hasi ondoren, Donostiak Fiskaltzaren esku jarri zuen "dokumentazio guztia", Udalak nabarmendu duenez.

Dokumentazioa aztertu ondoren, tramitazio egokia eta "fase ezberdinetan indarrean dagoen legedia" errespetatu dela egiaztatu du Fiskaltzak. Erabakiaren aurka helegitea aurkezteko aukerarik ez dago jadanik.

Eneko Goia Donostiako alkatea pozik agertu da Fiskaltzaren erabakiarekin: "prozedura administratiboa legala, zuzena eta zuzenbidezkoa izan zela egiaztatu da". Era berean, "Udaleko langileen eta kontrol organoen lana" defendatu du alkateak, "obra hau, guztiak bezalaxe, kontratu publikoen legearen arabera egitea bermatu dutelako".

Goiaren ahotan, "hiriaren ikur berri bihurtu den artelanaren gainean susmo txarra zabaltzeko eta giroa gaiztotzeko borondate argia egon da salaketaren atzean". "Donostiarrek artelana eurena egin dute, Cristina Iglesiasen lanaz gozatzera 9.000 pertsona baino gehiago hurbildu baitira", azpimarratu du.

Hau zure interesekoa bada, baliteke beste gai hauek ere izatea
Donostiako Udala albisteak Donostia Herriak eta Hiriak Gipuzkoa Eneko Goia LAB Euskal Autonomia Erkidegoa Salaketak Gizartea Eguneko albisteak Albisteak