Itxi

2021/09/25

12:25

Gizartea

Koronabirusa

20 positibo atzeman dituzte Nafarroan, 30etik beherako bederatzigarren egunean jarraian

EITB MEDIA

Azken 14 hilabeteetako kopururik txikienetakoa da, 2020ko uztailaren 14an diagnostikatu zirenen parekoa.

  • Hainbat lagun txertatzeko zain. Argazkia: EITB Media

    Hainbat lagun txertatzeko zain. Argazkia: EITB Media

  • Whatsapp
  • Whatsapp
  • Telegram
  • Bidali

Nafarroako Gobernuko Osasun Departamentuak 20 positibo berri atzeman ditu covid-19an, ostiral honetan, Exekutiboak emandako datuen arabera. Bezperan baino hiru kasu gutxiago (23) dira, duela astebete baino bi gutxiago, eta duela 14 egun baino 27 gutxiago.

1.563 proba egin ziren. Beraz, 20 kasu atzemanda, %1,3koa izan zen positibitatea.

Pandemiaren bilakaerak ona izaten jarraitzen du Foru Erkidegoan. 22 egun dira jarraian, egunean 100 kasu berri baino gutxiago diagnostikatzen direla, eta atzokoa bederatzigarren eguna izan zen, jarraian, 30 kasu baino gutxiago atzeman zirena.

Iruñean eta Lodosan hiruna kasu atzeman zituzten, Ablitasen, Tuteran eta Urzainkin bina eta Burgin, Carcarren, Irunberrin, Tabarren eta Beran bana.

Pertsona bakarra ospitaleratu behar izan zuten atzo covidagatik. Hala, 38 lagun zeuden ostiralean Nafarroan ospitaleratuta covidagatik (bezperan baino 4 gutxiago), horietako 13 ZIUn.

Bestalde, ez zen inor hil covidagatik.

Joerak bide horretatik jarraitzen badu, urriaren 1etik aurrera koronabirusaren hedapena geldiarazteko ezarritako neurri murriztaileak arintzea aurreikusi du Foru Gobernuak.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.
  • Bisitatuena

      Kargatzen ikusiena
      Kargatzen ikusiena
    ;