Abandoko hilketaren ustezko egilea, Adingabeen Fiskaltzaren esku

Atxilo hartutako mutilak 16 urte ditu, eta ez 18, atzo Segurtasun Sailak esan bezala.

Erasoa izan zen lekua, Abandoko geltokia. Argazkia: Iker Salgado

E. G | EITB MEDIA

publikatuta: 2021/10/01 10:37 (UTC+2)

azken eguneratzea: 2021/10/01 22:04 (UTC+2)

Bilboko Abando geltokian izandako hilketaren ustezko egileak 16 urte ditu, eta ez 18 atzo esan bezala, eta beraz, Adingabeen Fiskaltzaren esku geratu da gaur, Eusko Jaurlaritzako Segurtasun Sailak zehaztu duenez.

Mutila 20:30ean hartu zuten atxilo, 20 urteko gizonaren heriotza baieztatu eta hiru ordura.

Hilketa 17:00ak aldera jazo zen, Renferen Abando geltokitik gertu. Antza denez, ordu horretan borroka bat gertatu zen, eta 20 urteko gizon bati labankadaz eraso zioten.

Biktima larri zaurituta eraman zuten Basurtu Ospitalera, baina handik gutxira hil zen.

Juan Mari Aburto: ''Delituak egiteko prest datozenak soberan daude Bilbon''