Itxi

2021/10/06

15:41

Gizartea

KORONABIRUSA

Zortzi positibo zenbatu dituzte Nafarroan, 2020ko uztailetik atzemandako kopururik txikiena

Onintza Aiestaran | EITB Media

Azken orduetan, beste pertsona bat ospitaleratu behar izan dute (guztira 29 dira), baina bakar bat ere ez ZIUn (sei izaten jarraitzen dute). Zorionez, ez da inor hil.

  • Osasun langilea pertsona bati koronabirusa hautemateko proba egiten.

    Osasun langilea pertsona bati koronabirusa hautemateko proba egiten. Argazkia: EFE

  • Whatsapp
  • Whatsapp
  • Telegram
  • Bidali

Koronabirusaren kutsatzeek behera egiten jarraitzen dute Nafarroan. Azken orduetan zortzi positibo hauteman dituzte, asteazken honetan Foru Gobernuak emandako datuen arabera. Gaurko zenbakia urtea hasi zenetik erregistratutako txikiena da. Are gehiago, 2020ko uztailaren 12ra arte egin behar da atzera horren kutsatu kopuru txikia aurkitzeko; sei zenbatu zituzten orduan.

Aurreko egunetako datuekin alderatuta, bezperan atzemandakoak baino lau positibo gutxiago dira eta igandean baino zortzi gutxiago.

Erietxeetako presioari dagokionez, 29 pertsona daude Osasunbideako ospitaleetan, bezperan baino bat gehiago. ZIUetan sei gaixo daude (asteartean bezainbeste). Gainera, ez da inor hil koronabirusagatik.

Datuak udalerriz udalerri aztertuta, Urrotzen zenbatu dituzte kasu gehien: bi. Halaber, positibo bana izan da Artikan, Beriainen, Uharten, Atarrabian eta Iruñeko Buztintxuri eta Azpilagaña auzoetan.

Bestalde, txertaketa kanpainak aurrera jarraitzen du, eta dagoeneko 517.933 nafarrek dute pauta osoa Foru Erkidegoan.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.
  • Bisitatuena

      Kargatzen ikusiena
      Kargatzen ikusiena
    ;