Itxi

2021/10/08

12:20

Gizartea

Eguraldia

Eguraldi ona nagusi Pilarreko zubian Euskal Herrian

Naiara Ballesteros | EITB MEDIA

Behe-hodeiak izango ditugu, batez ere larunbat gauean eta igandean egunaren lehen partean. Astelehenetik aurrera, litekeena da haizeak ekialdetik jotzea, eta ostarteak gailenduko dira berriro.

  • Egunsentia Irunen

    Egunsentia Irunen. Argazkia: Juncal Abad.

  • Whatsapp
  • Whatsapp
  • Telegram
  • Bidali

Pilarreko Ama Birjinaren zubian eguraldi ona nagusituko da, baina tenperatura freskoak izango dira egunaren lehen eta azken orduetan, Euskalmet Euskal Meteorologia Agentziak eta EITBren Eguraldi zerbitzuak egindako iragarpenaren arabera.

Euririk espero ez den arren, igandean zirimiri pixka bat bota dezake isurialde atlantikoko zenbait puntutan. Astelehenetik aurrera, litekeena da haizeak ekialdetik jotzea, eta ostarteak gailenduko dira berriro.

Ostiral honetan, eguraldia egonkorra eta eguzkitsua izango da berriro. Zerua eguzkitsu geratuko da eta tenperatura maximoak 20 gradu ingurukoak izango dira. Arratsaldean, ipar-ekialdeko haizea ibiliko da eta gauean tenperaturak behera egingo du berriro.

Larunbatean, ez da aldaketa askorik izango. Lanbroa eta lainoa izango ditugu goizean, eta zerua ia oskarbi egongo da, baina egunak aurrera egin ahala behe-hodeiak ugaritu egingo dira iparraldean, batez ere kostaldean. Haizeak iparraldetik joko du arratsaldean, eta indartu egingo da barnealdean, Ebroko ibarrean, esaterako. Tenperatura ez da aldatuko edo 1 edo 2 gradu jaitsiko da, batez ere ipar partean.

Igandean, goizeko lanbroa eta behe-hodeien tarteakin izango ditugu egunaren hasieran, eta Euskal Herriko iparraldean noizbehinka euri txikia egin dezake. Arratsaldean, hodeiak gutxitu egingo dira eta eguraldi eguzkitsua nagusituko da, batez ere hegoaldean. Haizea iparraldetik finkatuko da eta indar pixka bat hartuko du arratsaldean. Tenperatura maximoak apur bat jaitsiko dira; minimoak, berriz, altuagoak izango dira, oro har.

Brumas matinales en Okondo

Goizeko lanbroa Okondon. Argazkia: Iñaki Arteta.

Astelehenean, berriro argituko du lanbroarekin eta goizeko lainoarekin, baina, oro har, igandeko egunaren antzeko eguna espero da, hodei batzuekin eta tenperaturan aldaketarik gabe. Norabide aldakorreko haize ahula ibiliko da, eta arratsaldean ipar-ekialdekoa finkatuko da; tarteka bizia izango da. Tenperatura minimoak ez dira aldatuko edo gutxi jaitsiko dira, eta tenperatura maximoak ez dira aldatuko edo apur bat igoko dira.

Asteartean, berriz, goizeko lanbroaren eta lainoaren ondoren, tenperaturak gora egingo du eta zerua garbi egongo da Euskal Herri osoan. Norabide aldakorreko haizea ibiliko da, eta arratsaldean ipar-ekialdekoa finkatuko da, tarte biziekin. Tenperatura minimoek ez dute aldaketarik izango edo apur bat jaitsiko dira eta tenperatura maximoek ez dute aldaketarik izango.

  • Bisitatuena

      Kargatzen ikusiena
      Kargatzen ikusiena
    ;