Itxi

2021/10/10

17:40

Gizartea

INDARKERIA MATXISTA

Osasunako jokalari batek bortxaketa mehatxu etengabeak jasan behar izan ditu partida batean

EIDER JAUREGI OIARTZABAL | EITB MEDIA

"Gizartea kontzientziatzeko egin dugu publiko" azaldu dio jokalariak ETBri. SD Nueva Montaña klubeko zuzendariak salaketa jarriko du astelehenean bertan.

1:39
  • Whatsapp
  • Whatsapp
  • Telegram
  • Bidali

Osasuna Klubleko nesken B taldeko 17 urteko jokalari batek sare sozialen bidez salatu duenez, irainak eta mehatxu sexualak jasan behar izan zituen atzo Santanderren, SD Nueva Montaña taldearen aurka jokatutako partidak iraun zuen denbora guztian. Bortxatuko zutela entzun behar izan zuen behin eta berriz, bai berak baita taldekideek ere, eta adierazpen sexista nahiz iraingarriak sufritu behar izan zituzten.

Erasotzaileak, kirolgunetik kanpo eserita zeuden bost gizonezko gazte, arbitroaren kontra ere aritu ziren, emakumea zelako hura ere.

Partidan bizitakoaren larritasuna salatu dute jokalariaren taldekideek ere sare sozialetan, elkartasun eta ardura mezuak eraginez:

Gertatua argi eta garbi idatzi zuen kirol-epaileak partidako aktan: "Bestelako intzidentziak bigarren zatian. Kirolgunetik kanpora bost mutil daudela konturatu naiz, hesi batera igota, zelaiaren erdi aldean, nire 2. laguntzailearen atzean, eta horietako batek, gutxienez, SD Nueva Montaña talde lokalaren armarria daraman txandala jantzita du. Bigarren zati osoan bai jokalariei baita niri ere irainak egin dizkigute. Partida amaituta, talde bisitariaren ordezkariak eta 9 zenbakidun jokalariak, Karolina Sarasua Garciak, kexa helarazi didate, guri oihukatzen zigutena zehatz-mehatz azalduz: "Bortxatu egingo zaitut", "Zure talde guztia bortxatuko dugu", "Igo kamiseta eta erakutsi titiak eta ipurdia", "Tanga antzematen zaizue", "Goazen aldagelara eta bortxatu egingo zaitut", Zzure amak zakila miazten dit", "Ondo miazten duzunaren aurpegia duzu".

"Gizartea kontzientziatzeko egin dugu hau publiko"

Karolina Sarasuarekin egon da ETB, eta, gertatutakoaren ostean, moralez baxu dagoela adierazi du: "Benetan oso baxu nago animoz, zure kirol gustukoenaz gozatzera joan eta horrelakoak entzuteko ez gaude inor prest, gogorra da psikologikoki. Nik uste dut jende horri ez zaiola futbola gustatzen, futbola ikustera joaten bazara ez dituzulako astakeria horiek esaten".

Gainera, irain eta mehatxu horiek egiten zituztenak adingabeak zirela uste du. "10 eta 18 urte artean izango zituzten. Ez dut uste adinez nagusiak zirenik. Nik entzun behar izan nituen irainik gehien, zelaiaren alde horretan nengoelako, baina niri, nire albokoari eta talde osoari egiten ziguten mehatxu. Entzungor egiten saiatzen nintzen, ez bainien harmailetakoei aurre egin nahi, baina gero epailearekin hitz egin eta oso ondo islatu zuen gertatu zen guztia aktan. Berak ere jasan behar izan zituen irainak", azaldu du.

Taldea minduta dago, baina inoiz baino batuago daudela azaldu du Sarasuak: "Gizartea kontzientziatzeko egin dugu hau publiko. Horrelakorik ez genioke inori opako, ezta gure aurkari okerrenari ere, oso zaila da gertatu zaiguna psikologikoki jasatea, gure adinean, gainera". Hori bai, jendartearen aldetik babes eta laguntza handia jaso dute eta biziki eskertuta daude.

Osasuna klubak gaitzetsi egin du gertatua eta, era berean, eskerrak eman dizkio beste taldeko zuzendaritzari, erakutsitako jarreragatik:

Izan ere, EITB Mediako zenbait saiotan eskainitako elkarrizketetan, Mateo Saenz SD Nueva Montaña taldeko presidentea oso haserre agertu da gertatutakoarekin.

Gazte horiek esaten ari ziren irain eta mehatxuen berri izan bezain pronto, haiengana joan eta grabatu egin zituela jakinarazi du, eta astelehenean bertan salaketa aurkeztuko duela.

  • Bisitatuena

      Kargatzen ikusiena
      Kargatzen ikusiena
    ;