Itxi

2021/10/17

18:47

Gizartea

SUTEA

Langile bat hil da taberna batean izandako sutean, Donostian

EITB MEDIA

36 urteko gizona oso larri aurkitu dute suhiltzaileek, lurpeko biltegi batean. Kanpora eraman dute eta suspertzen saiatu dira, baina bertan hil da. Hasierako ikerketaren arabera, ustekabeko sutea izan da.

1:17
Usandizaga kalean jazo da sutea. Argazkia: EiTB Media
  • Whatsapp
  • Whatsapp
  • Telegram
  • Bidali

36 urteko langile bat hil da Donostian, gaur goizean, Gros auzoko Usandizaga kalean dagoen Gure Txoko tabernan piztutako sutean.

Zabaldutako informazioaren arabera, goizeko lehen orduan piztu da sua, eta suhiltzaileek 09:00ak inguruan jaso dute abisua. Taberna itxita zegoen, eta jabeak bertaratu behar izan du atea zabaltzera. Sua itzaltzera sartu direnean, gizonezko bat aurkitu dute barruan, lurpeko biltegi batean, larri zaurituta. Kanpora atera eta suspertzen saiatu badira ere, handik gutxira tokian bertan zendu da.

Ikerketa zabalik dago, baina, hasierako zantzuen arabera, ustekabeko sutea izan da. Tabernako ke-erauzgailuak piztuta zeuden, eta horri esker ez da kea eraikin osoan zabaldu.

LABek lan-istripua salatu du. Sindikatuaren arabera, urtea hasi zenetik 52 pertsona hil dira Euskal Herrian izan diren lan-istripuetan.

  • Bisitatuena

      Kargatzen ikusiena
      Kargatzen ikusiena
    ;