Itxi

2021/11/04

10:08

Gizartea

Osasuna

GPBaren aurkako txertoak % 87 murriztu du umetoki-lepoko minbiziaren tasa

Agentziak | Eitb Media

'The Lancet' aldizkariak zabaldutako ikerketa baten arabera, umetoki-lepoko minbiziaren tasa % 87 txikiagoa da giza papilomaren birusaren (GPB) aurkako txertoa 12 eta 13 urte zituztenean jaso duten Ingalaterrako emakumeen artean, txertorik jaso ez zutenen artean baino.

  • Ginekologiako ohatila bat.

    Ginekologiako ohatila bat. PXhere

  • Whatsapp
  • Whatsapp
  • Telegram
  • Bidali

The Lancet aldizkariak gaur zabaldutako ikerketa baten arabera, umetoki-lepoko minbiziaren tasa % 87 murriztu da giza papilomaren birusaren (GPB) aurkako txertoa jaso duten emakumeen artean Ingalaterran.

Emaitza horiek lortzeko, GPBaren aurkako immunizazio-programa bat erabili da Cervarix txerto bibalentea erabiliz. Ingalaterran 2008an hasi ziren txerto hori ematen.

Ikerketen arabera, 12 eta 13 urte bitarteko adinean txertoa hartu zuten emakumeen zerbixeko minbizia tasak % 87 txikiagoak ziren immunizatu gabeko biztanleen artean baino.

Ikerketaren arabera, 2019ko ekainerako 450 minbizi kasu gutxiago eta 17.200 kartzinoma gutxiago zeuden Ingalaterran txertoa jaso zuten emakumeen artean.

Umetoki-lepoko minbizia prebenitzeko munduan zehar txerto bibalentea erabili den ikerketetan lortutako lehen ebidentzia zuzena da.

Ikertzaileen arabera, zerbixeko minbizi kopuruak % 62 egin du behera 14 eta 16 urte artean zituztenean txertatutakoen artean, eta % 34 txertoa, 16 eta 18 urte artean zituztenean jaso zutenen artean.

GPBaren aurkako txertoa 100 herrialdetan hasi ziren ematen, Mundu Osasun Erakundeak (MOE) minbizi mota hori desagerrarazteko egindako ahaleginen barruan.

Ingalaterran txerto bibalentea erabiltzen da gehien, eta umetoki-lepoko minbizien % 70 eta % 80 artean eragiten dituen bi GPB motetatik babesten du. 

"Nahiz eta aldez aurretik egindako ikerketek erakutsi duten txertoak balio duela Ingalaterran GPB bidezko infekzioa prebenitzeko, umetoki-lepoko minbiziaren prebentzioaren ebidentzia zuzena mugatua zen", adierazi du Peter Sasienik, Londresko King 's College zentroko ikerlanaren egileetako batek. "Ikusitako eragina modeloek aurreikusten zutena baino handiagoa da", gaineratu du.

Erresuma Batuko Osasun Segurtasunerako Agentziako Kate Soldanek azaldu duenez, ikerketa "aurrerapauso garrantzitsua da umetoki-lepoko minbiziaren prebentzioan".

  • Bisitatuena

      Kargatzen ikusiena
      Kargatzen ikusiena
    ;