Itxi

2021/11/04

13:15

Gizartea

Elikadura-alerta

Euskadin saltzen ari diren gozokietan deklaratu gabeko kakahuetea topatu dute

AGENTZIAK | EITB MEDIA

Kakahueteari alergia diotenek gozoki horiek ez jateko deia egin du Elikadura arloko Segurtasunaren eta Nutrizioaren Espainiako Agentziak (AESAN).

  • Merkaturatutako gozokietako bat

    Merkaturatutako gozokietako bat. Irudia: AESAN

  • Whatsapp
  • Whatsapp
  • Telegram
  • Bidali

Elikagaien Segurtasunaren eta Nutrizioaren Espainiako Agentziak (AESAN) kakahueteari alergia diotenentzako oharra zabaldu du; izan ere, zenbait erkidegotan, tartean Euskadin, Txinatik datozen ahabi- eta sesamo-gozokiak merkaturatu dituzte, baina etiketan ez da kakahuetea daramatela ageri.

Euskadin ez ezik, Valentzian, Andaluzian, Kanarietan, Katalunian, Balear Uharteetan, Aragoin, Asturiasen eta Madrilen eta Frantzian eta Portugalen ere banatu dituzte, AESANek zehaztu duenez.

Dagoeneko informazio hori autonomia-erkidegoetako agintariei helarazi zaie, Informazioa Azkar Trukatzeko Sistema Koordinatuaren (SCIRI) bidez, eta Europako Batzordearen Zerbitzuei, Europako Elikagai Alerta Sarearen bidez, produktu horiek merkaturatze-kanaletatik kendu direla egiazta dadin.

Dena dela, badaezpadako neurri gisa, aipatutako produktuak etxean izanez gero, kakahueteari alergia dioten pertsonei ez kontsumitzeko gomendatu die agentziak.

  • Bisitatuena

      Kargatzen ikusiena
      Kargatzen ikusiena
    ;