Mugimendu Feministak deitutako manifestazio nagusiak Iruñean, Gasteizen, Baionan, Bilbon eta Donostian egin dituzte arratsaldean. Erakundeek ere bilkurak burutu dituzte emakumeen aurkako indarkeria arbuiatzeko
Milaka emakume atera dira kalera Euskal Herrian "indarkeria matxistarik gabeko bizitzak" aldarrikatzeko eta emakumeek jasaten dituzten indarkeria mota guztiak salatzeko.
Emakumeenganako Indarkeriaren Aurkako Nazioarteko Egunean, Euskal Herriko Mugimendu Feministak Baionan, Iruñean, Bilbon, Donostian eta Gasteizen burutu ditu manifestazio nagusiak, baina mobilizazioak beste hainbat udalerri eta eskualdetan ere izan dira.
Bilboko manifestazioa Jesusen Bihotza plazatik abiatu da, baina aurrez auzo ezberdinetatik ateratako zutabeak batu zaizkie. Ehunka lagun joan dira pankarta nagusiaren atzean eta, besteak beste, prostituzioa abolitzeko oihuak egin dituzte.
Indarkeria matxistari aurre egiteko eta beraien bizitzak salbatzeko bide bakarra "autodefentsa feminista" dela aldarrikatu dute eta emakumeei antolatzeko deia egin diete.
Aurten, eraso matxistak eta homofoboak ugaritu egin direla azpimarratuta, "behingoz indarkeria matxistarik gabe" bizi ahal izateko eskubidea aldarrikatu dute.
Emakumeen hilketak eta sexu-erasoak "izebergaren punta" direla ohartarazi dute: "Indarkeria matxista egiturazko arazoa da, botere harreman heteropatriarkalean, arrazistan eta klasistan oinarritutako sistema baten ondorioa baita".
A25: Manifestazioa Bilbon
![A25: Manifestazioa Bilbon]( "A25: Manifestazioa Bilbon")
A25: Manifestazioa Bilbon
A25: Manifestazioa Iruñean
![A25: Manifestazioa Iruñean]( "A25: Manifestazioa Iruñean")
A25: Manifestazioa Iruñean
A25: Donostiako manifestazioa
![A25: Donostiako manifestazioa]( "A25: Donostiako manifestazioa")
A25: Donostiako manifestazioa
A25: Manifestazioa Baionan
![A25: Manifestazioa Baionan]( "A25: Manifestazioa Baionan")
A25: Manifestazioa Baionan
Erakundeen bilkurak
Bestalde, Euskal Herriko erakunde nagusiek ere egin dituzte goizean zehar elkarretaratzeak. Eusko Legebiltzarrak geldialdia egin du eguerdian eta legebiltzarkide guztiak kalera atera dira indarkeria matxista salatzeko antolatu duten bilkuran parte hartzeko.
Nafarroako Gobernuko eta Parlamentuko ordezkariak Sarasate Pasealekuan Berdintasun Institutuak deitutako elkarretaratzean izan dira. Minutu bateko isilunea egin dute eta ekitaldiaren helburua emakumeek jasaten dituzten "indarkeria mota guztiak" salatzea izan dela azpimarratu du Eva Isturiz Nafarroako Berdintasun Institutuko zuzendariak.
Iruñeko Udaleko ordezkari politikoek udaletxe parean egin dute elkarretaratzea eta emakumeen eta nesken kontrako indarkeriak "milaka forma" dituela ohartarazi dute, "klase sozial eta kultura guztietan" ematen dela azpimarratuta.
Halaber, Donostia, Bilbo eta Gasteizko udalek Eudelen manifestua irakurri dute. Gaurko egunez indarkeria bikarioa bistaratu nahi izan dute, alegia, emakumeen aurka eta haien seme-alaben bidez gauzatzen den indarkeria.
Indarkeria bikarioa agerian jartzeko konpromisoa hartu dute erakundeek
![Indarkeria bikarioa agerian jartzeko konpromisoa hartu dute erakundeek]( "Indarkeria bikarioa agerian jartzeko konpromisoa hartu dute erakundeek")
Indarkeria bikarioa agerian jartzeko konpromisoa hartu dute erakundeek
Senar ohiak urruntze aginduak urratzen dituelako, eskolta ipini diote Martari
![Senar ohiak urruntze aginduak urratzen dituelako, eskolta ipini diote Martari]( "Senar ohiak urruntze aginduak urratzen dituelako, eskolta ipini diote Martari")
Senar ohiak urruntze aginduak urratzen dituelako, eskolta ipini diote Martari