Gizartea -
Gertaera
Kartzelan, Mungiako abokatua desagertzeagatik atxilotutako pertsonak
Ertzaintzak lehengo astearen amaieran atxilotu zituen bi pertsonak epailearen esku utzi dituzte eta Getxoko Epaitegiak Basauriko presondegian sartzeko agindua eman du.
Erredakzioa
Mungiako abokatu baten desagerpenarekin zerikusia dutelakoan atxilotutako bi pertsonak Basauriko kartzelan sartu dituzte, Herrizaingo Sailak jakitera eman duenez.
Iturri berberek azaldu dutenez, Ertzaintzak atxilotutako bi pertsonak lehengo astearen amaieran epailearen esku utzi dituzte astelehen honetan eta Getxoko Epaitegiak Bizkaiko presondegian sartzeko agindua eman du.
Herrizaingo Sailak ez du kasuari buruzko datu gehiago eman, sumarioko sekretupean baitago.
Erlazionatutako edukiak
Hau zure interesekoa bada, baliteke beste gai hauek ere izatea