Gizartea -

Koronabirusa

12 urte bete berri dituen ume batek ez du covid ziurtagiria erakutsi beharko hurrengo hiru hilabeteetan

Eusko Jaurlaritzak dokumentu bat publikatu du, urtarrilaren 28ra arte indarrean egongo diren murrizketei buruzko zalantzak argituz.

Ume bat covid-19aren aurkako txerto hartzen. Artxiboko argazkia: EFE
Ume bat covid-19aren aurkako txerto hartzen. Artxiboko argazkia: EFE
Ume bat covid-19aren aurkako txerto hartzen. Artxiboko argazkia: EFE

AGENTZIAK | EITB MEDIA

Whatsapp Facebook Twitter Telegram Email

Eusko Jaurlaritzaren Segurtasun Sailak dokumentu bat publikatu du pandemiari aurre egiteko urtarrilaren 28ra arte Araban, Bizkaian eta Gipuzkoan indarren izango diren murrizketei buruz sortu diren zalantzak argitzeko.

Agiri horretan zehazten denez, covid-19aren aurkako txertoa hartu gabe dauden 12 urteko umeak salbuetsita izango dira covid ziurtagiri digitala erakustetik, beren 12. urtebetetze-egunetik hasi eta hurrengo hiru hilabeteetan. Salbuespen hori ezarrita, txertoa jartzeko denbora nahikoa izango dutela bermatu nahi dute.

Horrez gain, ikastetxeek udal instalazioak -kiroldegiak edo liburutegiak, adibidez- erabiltzen dituztenean, ikasleek eta irakasleek ez dute covid ziurtagiria erakutsi beharko bertan sartzeko. Alabaina, ikasturte honetarako hezkuntzan ezarri den protokoloa bete beharko dute.

Ildo berean, kirol talde batekin lan kontratua duten kirolariei, entrenatzaileei eta bestelako langileei ere ez zaie covid ziurtagiria eskatuko entrenatzera edo partidak jokatzera doazenean, lanean ari direla ulertzen delako.

 

 

Hau zure interesekoa bada, baliteke beste gai hauek ere izatea
Eusko Jaurlaritza Euskal Autonomia Erkidegoa Gizartea Eguneko albisteak Albisteak Txertoak Koronabirusa Osasun larrialdia Covid pasaportea